დავით ფიფია

დაბადების ადგილი: ქ. ზუგდიდი.

დაამთავრა ქ. ლენინგრადის პირველი სამედიცინო ინსტიტუტის სამკურნალო ფაკულტეტი 1993 წელს.

1983-1984წწ. მუშაობდა ზუგდიდის სათაო ჩაის ფაბრიკაში მუშად; 1984-1986წწ. მოიხადა სამხედრო სავალდებულო სამსახური; 1986 წელს ჩაირიცხა ქ. ლენინგრადის პირველი სამედიცინო ინსტიტუტის მოსამზადებელი განყოფილების მსმენელად; 1994-1998წწ. ქ. ზუგდიდის რესპუბლიკური საავადმყოფოს რეანიმაციული განყოფილების ექიმი - რეანიმატოლოგი; 1997-1998წწ. იმავდროულად იყო დასავლეთის ზონის სამედიცინო და სამკურნალო პროგრამების ბლოკის სამსახურის უფროსი მოადგილე; 1998-2000წწ. სამეგრელოს ჯანდაცვის მართვის სამხარეო დეპარტამენტის დირექტორის პირველი მოადგილე; 2000-2001წწ. ამერიკის არასამთავრობო ორგანიზაციის "საერთაშორისო დახმარებისა და განვითარების სააგენტო" (IRD) მონიტორი; 2001-2003წწ. ამავე ორგანიზაციის სამედიცინო მენეჯერი; 2005-2007წწ. სამეგრელო-ზემო სვანეთის შრომის, ჯანმრთელობისა და სოციალური დაცვის დეპარტამენტის უფროსი; 2007 წლიდან ზუგდიდის მრავალპროფილიანი კლინიკური საავადმყოფოს "რესპუბლიკა" სამედიცინო მენეჯერი. ექიმი - რეანიმატოლოგი, ჯანდაცვის ორგანიზატორი.

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010 გვ.931-932

• ქ. ზუგდიდის მუნიციპალიტეტის საკრებულო, ზუგდიდის ქალაქის მაჟორიტარული ოლქიდან, წევრი (2006-)