გურამ ლოლაძე

დაბადების ადგილი: ქ. თბილისი.

დაამთავრა საქართველოს სასოფლო სამეურნეო ინსტიტუტის აგრონომიული ფაკულტეტი 1955 წელს;  სკკპ ცენტრალურ კომიტეტთან არსებული უმაღლესი პარტიული სკოლა.

  1978-1985წწ. მუშაობდა: თეთრიწყაროს რაიონის სოფელ ასურეთში რიგით აგრონომად; პარტიის თეთრი წყაროს, წითელწყაროს, გარდაბნის და მცხეთის რაიკომების პირველ მდივნად; სამტრესტის მმართველად, შემდეგ საქართველოს ღვინის მრეწველობის სახელმწიფო კომიტეტის თავმჯდომარედ; 1990–1995წწ. იყო გერმანული ფირმის "ანტონ ოლერტის" წარმომადგენლად საქართველოში; მისი მმართველობის პერიოდში აშენდა მთელი რიგი ახალი ღვინის ქარხნები, გაუკეთდათ რეკონსტრუქცია, არსებული საწარმოები აღიჭურვა თანამედროვე ტექნიკით; მისი უშუალო მონაწილეობით გურჯაანის სარემონტო-მექანიკურ ქარხანასთან შეიქმნა მუხის კასრების დამამზადებელი საამქრო, რომელიც ერთ-ერთი იყო საბჭოთა კავშირში და რუსეთში; აშენდა ემალირებული რეზერვეუარების ქარხანა; დიდი წვლილი შეიტანა საქართველოს სახალხო მეურნეობის განვითარების საქმეში; არჩეული იყო საქართველოს უმაღლესი საბჭოს ორი მოწვევის დეპუტატად. მიღებული ჰქონდა მთავრობის ჯილდოები. 

წყარო: გახსენება: საქართველოს მეღვინეობა-სამტრესტი, მისი ხელმძღვანელები, გარდაცვლილი სპეციალისტები/ ალექსანდრე ქურდაძე.-თბ.,1999. - გვ.48-49