თამაზ კანდელაკი

დაბადების ადგილი: ქ. თბილისი.

დაამთავრა საქართველოს სასოფლო-სამეურნეო ინსტიტუტის ტექნოლოგიური ფაკულტეტი ინჟინერ- ტექნოლოგის კვალიფიკაციით 1956 წელს; საქართველოს მებაღეობის და მეღვინეობის სამეცნიერო-კვლევითი ინსტიტუტის ასპირანტურა.

1956 წლიდან მუშაობდა საქართველოს მებაღეობის და მეღვინეობის სამეცნიერო-კვლევითი ინსტიტუტში უმცროს, შემდეგ უფროს მეცნიერ მუშაკად; წლების მანძილზე იყო თბილისის კონიაკის ქარხანის და "სამტრესტის" ცენტრალური ლაბორატორიის უფროსი, "სამტრესტის" მმართველის პირველი მოადგილე და 1991-1993 წლებში მმართველი; მისი ხელმძღვანელობით შეიქმნა არაერთი ქართული ღვინო: "ნაფარეული", "ვაზისუბანი", "ყვარელი", "თბილისური" და მრავალი სხვა; 1999 წლიდან კერძო კომპანია "GWS"-ის ერთ-ერთი დამფუძნებელია; მის მიერ შექმნილმა ბრენდებმა "ძველი თბილისი" და "თამადა" ორასზე მეტი სხვადასხვა ხარისხის ჯილდო დაიმსახურა; 1983-1986წწ. საქართველოს ღვინის მრეწველობის კომიტეტის კოლეგიის წევრი; იყო საერთაშორისო მეღვინეობის აკადემიკოსი და სერტიფიცირებული დეგუსტატორის წოდების მფლობელი, არაერთი საერთაშორისო გამოფენის, დეგუსტაციისა და სიმპოზიუმის მონაწილე. საქართველოს მებაღეობის და მეღვინეობის და კვების მრეწველობის სამეცნიერო-კვლევითი ინსტიტუტის სამეცნიერო საბჭოს წევრი. მრავალი სამეცნიერო ნაშრომის ავტორი. ტექნიკურ მეცნიერებათა კანდიდატი. 

წყარო: გახსენება: საქართველოს მეღვინეობა-სამტრესტი, მისი ხელმძღვანელები, გარდაცვლილი სპეციალისტები/ ალექსანდრე ქურდაძე.-თბ.,1999. - გვ.59-60

• საქართველოს დამსახურებული მეღვინე
• საქართველოს დამსახურებული ინჟინერი