თინა გეგია

დაბადების ადგილი: ქ. სამტრედია.

დაამთავრა თბილისის სახელმწიფო სამედიცინო ინსტიტუტის სანიტარულ-ჰიგიენური ფაკულტეტი 1944 წელს.

1944-1947წწ. მუშაობდა ოჩამჩირის რაიონული ტროპიკული სადგურის ექიმ-მალარიოლოგად; 1947-1950წწ. ოჩამჩირის რაიონული ექიმი-ეპიდემიოლოგი; 1951-1954წწ. შეთავსებით მუშაობდა ოჩამჩირის ინფექციური საავადმყოფოს ორდინატორად, თბილისის ექიმთა დახელოვნების ინსტიტუტის ინფექციურ სნეულებათა კათედრის ასპირანტად; 1956-1957წწ. ქ. თბილისის პირველი სამედიცინო სასწავლებლის პედაგოგი; 1958-1965წწ. ქ. თბილისის ექიმთა დახელოვნების ინსტიტუტის ინფექციურ სნეულებათა კათედრის ასისტენტი, 1965-1996წწ. ამავე კათედრის დოცენტი; კვალიფიკაცია აიმაღლა თავისი პროფესიის დარგში ქ. მოსკოვის საკავშირო ცენტრალურ დახელოვნების ინსტიტუტში (თემატიკა: "ინფექციური პათოლოგიის აქტუალური საკითხები", 1984); იგი მედიცინის სფროში სხვადასხვა გახრით მუშაობდა: სამკურნალო-პედაგოგიური, სასწავლო-მეთოდური, სამეცნიერო-კვლევითი, სამკურნალო, საკონსულტაციო და სხვა; უკითხავდა ლექციებს ქ. თბილისის ექიმთა დახელოვნების ინსტიტუტის ინფექციურ სნეულებათა კათედრაზე ექიმ-მსმენელებს; მისეული თემატიკა მრავალმნიშვნელოვანი იყო: ანტიბიოტიკები, კვების ტოქსიკოინფექციები, ბოტულიზმი, გრიპი, მწვავე რესპირატორული დაავადებები, მალარია, ლეიშმანიოზი, ჰელმინთოზები და სხვა; დაწერილი აქვს ორი თავი მონოგრაფიისათვის "სეფსისოლოგია ინფექციური პათოლოგიის საფუძვლებით", რაც ყველა დარგის ექიმ-მსმენელთათვის ძირითად მეთოდურ და პრაქტიკულ სახელმძღვანელოდ ითვლებოდა ციკლზე "სეფსისი", კურირებდა ციკლებს კათედრაზე, აქტიურად იყო ჩართული კათედრის მეთოდსამუშაოებში; წლების მანძილზე კონსულტაციებს უწევდა ავადმყოფებს სან-ავიო სადგურის სამსახურის ხაზით საქართველოს ცალკეულ რაიონებში და თბილისში; არის 56 სამეცნიერო ნაშრომის ავტორი, მათ შორის 4 მონოგრაფია და 3 ბროშურა. წლების მანძილზე იყო ინფექციური საავადმყოფოს რეანიმაციული განყოფილების კურატორი, კათედრის გამგის მოადგილე; დაჯილდოებულია მედლებითა და მადლობებით. ექიმ-ინფექციონისტი, მედიცინის მეცნიერებათა კანდიდატი (1958).

საკანდიდატო დისერტაციის თემა - "გულ-სისხლარღვთა სისტემის ფუნქციონალური მდგომარეობა ტიფისა და პარატიფოზური დაავადებების დროს", დაიცვა 1958 წელს.

წყარო: საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.121-123

• საქართველოს ინფექციონისტთა და ეპიდემიოლოგთა სამეცნიერო საზოგადოება, წევრი

• შრომის ვეტერანის მედალი

• მწვავე რესპირაციული ვირუსული ინფექციები (ავტორი). - თბილისი, საქართველო, 1996. - 128გვ.
• ერიდეთ სახლში დამზადებულ კონსერვებს (ავტორი). - თბილისი, საბჭ. საქართველო, 1983. - 28გვ.
• ბოტულიზმი (ავტორი). - თბილისი, საბჭ. საქართველო, 1976. - 34გვ.
• გრიპი და გრიპისმაგვარი დაავადებები (ავტორი). - თბილისი, საბჭ. საქართველო, 1971. - 45გვ.
• ქოლერა : მკურნალობა, პროფილაქტიკა (თანაავტორი). - თბილისი, საბჭ. საქართველო, 1967. - 115გვ.
• გულ-სისხლძარღვთა სისტემის ფუნქციური მდგომარეობა მუცლის ტიფისა და პარატიფების დროს (ავტორი). - თბილისი, საბჭ. საქართველო, 1958. - 74გვ.