არტურ ქიუჩარიანცი

დაბადების ადგილი: ქ. ტფილისი.

დაამთავრა წმ. ვლადიმერის უნივერსიტეტის (ქ. კიევი) სამედიცინო ფაკულტეტის სრული კურსი 1914 წელს, მაგრამ გამოსაშვები გამოცდები ჩაააბარა 1916 წელს და მიიღო მკურნალი ექიმის დიპლომი; პეტროგრადის არქეოლოგიური ინსტიტუტი 1917 წელს.

მონაწილობდა 1914-1916წწ. წლების პირველ მსოფლიო ომში, ჩრდილო-დასავლეთის ფრონტზე; იყო ცნობილი ბრუსილოვის გარღვევის მონაწილე 1916 წელს; ორი მძიმე კონტუზიისა და ჭრილობის შემდეგ, სამედიცინო კომისიის დასკვნით, გაამწესეს პეტროგრადის სათადარიგო პოლკში (სოფ. კრასნოიე სელოში); 1917 წელს მონაწილეობდა გამოსვლებში დროებითი მთავრობის წინააღმდეგ; იმავე წელს შევიდა წითელი გვარდიის ბატალიონში, რომლის შემადგენლობაში მოგვიანებით შევიდა წითელ არმიაში; წითელ არმიაში ეკავა სამხედრო-სანიტარული უწყების რიგი თანამდებობები; 1919 წელს მონაწილეობდა საბრძოლო მოქმედებებში გენერალ იუდენიჩის ჯარების წინააღმდეგ, რომლებიც უტევდნენ პეტროგრადს; 1921 წელს კრონშტადტის ამბოხის ჩახშობაში; 1922 წელს საბჭოთა კარელიის დაცვაში თეთრ-ფინელებისგან; 1924-1926წწ. ბასმაჩების წინააღმდეგ ბრძოლებში, აღმოსავლეთ ბუხარაში; 1929 წელს ხელმძღვანელობდა სანიტარულ უზრუნველყოფას აღმოსავლეთ-ჩინეთის რკინიგზაზე, კონფლიქტის ლიკვიდაციის დროს (შორეულ აღმოსავლეთის წითელდროშევანი ცალკეული არმიის შემადგენლობაში); 1929-1930წწ. მსახურობდა ციმბირის სამხედრო ოლქის სანიტარული სამმართველოს უფროსად; 1930-1934წწ. მოსკოვის სამხედრო ოლქის სანიტარული სამმართველოს უფროსად; 1934-1940წწ. იყო კიროვის სახელობის სამხედრო-სამედიცინო აკადემიის უფროსი; 1937 წლამდე იყო ამავე აკადემიის სამხედრო კომისარი; ხელმძღვანელობდა სამხედრო და სამხედრო-სანიტარული დისციპლინების კათედრას; შექმნა სპეციალური ჰოსპიტალი, რომელიც მოქმედებდა მოწინავე პოზიციებზე ფინეთთან ომის დროს და პირადად ხელმძღვანელობდა ამ ჰოსპიტალს; 1941-1944წწ. ლენინგრადის ბლოკადის დროს, მუშაობდა წითელი არმიის სამედიცინო შემადგენლობის დახელოვნების კურსების უფროსად, სადაც მიწვეული იყო ქალაქის პროფესურა; კურსები შექმნილი იყო ერთ-ერთი დიდი ჰოსპიტლის ბაზაზე, რომელსაც თვითონვე ხელმძღვანელობდა; 1935 წლის 23 ნოემბერს მიენიჭა "დივიზიის ექიმის" სამხედრო წოდება; 1938 წლის 22 თებერვალს მიენიჭა "კორპუსის ექიმის" სამხედრო წოდება; 1947 წლიდან იყო კიროვის სახელობის სამხედრო-სამედიცინო აკადემიის, სამხედრო-სამედიცინო მომზადების კათედრის დოცენტი; 1949-1957წწ. მუშაობდა ლენინგრადის პედიატრიული ინსტიტუტის სამხედრო-სამედიცინო მომზადების კათედრის უფროსად; 1957 წელს გავიდა პენსიაში. ავტორია წიგნებისა "Работа мощного эвакогоспиталя в условиях блокировочного города Ленинграда" (1942 г.); "Работа фронтового госпиталя для легко раненных (ФГЛР)" (1943 г.); "Гистоморфолоогия лимфатической системы при алиметарной дистрофии" (1943 г.). საბრძოლო დამსახურებისათვის დაჯილდოებილი იყო ორდენებითა და მედლებით, მიღებული აქვს საპატიო ოქროს სახელობითი იარაღი. სამედიცინო სამსახურის გენერალ-მაიორი (1943).

საკანდიდატო დისერტაციის თემა - "ალიმენტარული დისტროფიის დროს ლიმფატური ორგანოების გისტომორფოლოგია", დაიცვა 1946 წელს.

წყარო: სომხეთის სამხედრო ელიტა: (სომეხი გენერლები საქართველოდან): ბიოგრაფიული ცნობარი, გოგიტიძე, მამუკა. -თბ., 2014.-გვ.201-202

• წითელი ვარსკვლავის ორდენი
• წითელი დროშის ორდენი (3 ორდენი)
• ლენინის ორდენი
• წმინდა სტანისლავის II ხარისხის ორდენი
• წმინდა სტანისლავის III ხარისხის ორდენი