ენრიკო აფრიამოვი

დაბადების ადგილი: ქ. თბილისი.

დაამთავრა თბილისის საარტილერიო სასწავლებელი 1975 წელს; რუსეთის ფედერაციის შეიარაღებული ძალების გენერალური შტაბის აკადემიასთან არსებული უმაღლესი აკადემიური კურსები 2000 წელს. 

1975 წლიდან მსახურობდა ოცმეთაურად, ბატარეის მეთაურად, შტაბის უფროსად, დივიზიონის მეთაურის მოადგილედ, რეაქტიული საარტილერიო დივიზიონის მეთაურად, ტანკსაწინააღმდეგო საარტილერიო დივიზიონის მეთაურად; 1992 წლიდან - სომხეთის შეიარაღებული ძალების ტანკსაწინააღმდეგო საარტილერიო პოლკის მეთაური; 1996 წლის იანვარ-ივლისში – ჩრდილო-აღმოსავლეთის მიმართულების სარდალი; 1996-2000წწ. - საარმიო კორპუსის სარდალი; 2000 წელს - სომხეთის მთავარი შტაბის უფროსის მოადგილე; სომხეთის მთავარი შტაბის უფროსის 1-ლი მოადგილე. საბრძოლო დამსახურებისათვის დაჯილდოებულია ორდენებითა და მედლებით. გენერალ-ლეიტენანტი (2007).

წყარო: სომხეთის სამხედრო ელიტა: (სომეხი გენერლები საქართველოდან): ბიოგრაფიული ცნობარი, გოგიტიძე, მამუკა. -თბ., 2014.-გვ.214

• სომხეთის საბრძოლო ჯვრის II ხარისხის ორდენი
• საპატიო ნიშნის ორდენი