მერაბ ზაუტაშვილი

დაბადების ადგილი: ქ. თბილისი.

დაამთავრა ბაქოს საზენიტო არტირელიის სასწავლებელი 1943 წელს; საქართველოს სასოფლო-სამეურნეო ინსტიტუტის ტექნოლოგიური ფაკულტეტი ინჟინერ-ტექნოლოგის კვალიფიკაციით 1953 წელს.

1941-1945წწ. მონაწილეობდა დიდ სამამულო ომში, იყო საზენიტო არტირელიის პოლკში ბატარეის უფროსი, მიღებული ჰქონდა გვარდიის კაპიტნის წოდება; 1953-1989 წლებში მუშაობდა სამტრესტის საწარმოო  კომბინატში: 1953-1968წწ. საამქროს უფროსი; 1968 წელს მთავარი ინჟინერი; 1968-1989წწ. მმართველის მოადგილე; 1989-1992წწ.  შამპანური ღვინოების ქარხნის დირექტორის მოადგილე; სასოფლო-სამეურნეო ინსტიტუტში უძღვებოდა "მეღვინეობის ნარჩენი პროდუქტების" შესახებ კურსს. ჩამოაყალიბა და ხელმძღვანელობდა მეღვინეობის დარგის გამომგონებელთა და რაციონალიზატორთა შემოქმედებით კომპლექსურ ბრიგადას. იყო მევენახეობა-მეღვინეობის სახალხო უნივერსიტეტის რექტორი. 20 სამეცნიერო ნაშრომის, 3 მონოგრაფიის, 30 გამოგონების და ახალი მარკის ალკოჰოლიანი და უალკოჰოლო სასმელის ავტორი. მიღებული ჰქონდა მთავრობის საბრძოლო და შრომითი ჯილდოები. ომის ვეტერანი. ტექნიკურ მეცნიერებათა კანდიდატი.

წყარო: საქართველოს მეღვინეობა-სამტრესტი, მისი ხელმძღვანელები, გარდაცვლილი სპეციალისტები / ალექსანდრე ქურდაძე.-თბ.,1999. - გვ.154-155

• საქართველოს მევენახეთა და მეღვინეთა კავშირი, დამფუძნებელი, პირველი პრეზიდენტი

• სსრკ სახალხო მეურნეობის მიღწევათა გამოფენა (ВДНХ) (ვერცხლის და ოქროს მედლები)
• საქართველოს დამსახურებული გამომგონებლი

• უალკოჰოლო ღვინო და მისი გამოყენება (ავტორი). - თბილისი, საბჭოთა საქართველო, 1984. - 91გვ.
• მეღვინეობის მეორადი ნედლეულის გადამუშავება იტალიაში (ავტორი). - თბილისი, 1975. - 10გვ.
• მევენახეობა-მეღვინეობის მეორადი ნედლეულის გადამუშავება (ავტორი). - თბილისი, საბჭოთა საქართველო, 1968. - 71გვ.
• იონმცვლელი ფისების გამოყენება სახალხო მეურნეობაში (თანაავტორი). - თბილისი, 1967. - 19გვ.
• ღვინისმჟავას ტექნოლოგიაში იონმცვლელი პოლიმერების გამოყენებისათვის (ავტორი). - თბილისი, საბჭოთა საქართველო, 1964. - 107გვ.