ციალა გონგლიაშვილი

დაბადების ადგილი: დაბა ქარელი, ქარელის რაიონი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1947 წელს. 

1947-1952წწ. ლიტვის სსრ-ის ქ. ზარასაისის რაი-საავადმყოფო-პოლიკლინიკის გაერთიანების ექიმი-თერაპევტი და ინფექციონისტი; 1952-1960წწ. ქ. თბილისის სანიტარული ეპიდემიოლოგიური სადგურის ექიმი-ეპიდემიოლოგი; 1960-2001წწ. რესპუბლიკური კლინიკური ინფექციური საავადმყოფოს ექიმი-ორდინატორი; კვალიფიკაცია აიმაღლა სხვადასხვა სპეციალობებში: ინფექციურ დაავადებებში (1949, ქ. ლენინგრადის ექიმთა დახელოვნების ინსტიტუტი), ბავშვთა ინფექციურ დაავადებათა ციკლზე (1967, ქ. მოსკოვის ექიმთა დახელოვნების ინსტიტუტი), განსაკუთრებით საშიშ ინფექციათა კურსზე (1962, ქ. სტავროპოლის შავი ჭირის საწინააღმდეგო ინსტიტუტი), ინფექციურ სნეულებათა დახელოვნების ციკლზე (ქ. თბილისის ექიმთა დახელოვნების ინსტიტუტი); იგი დაჯილდოებული იყო მრავალი ქების სიგელითა და მადლობით. ექიმი -  ინფექციონისტი და ეპიდემიოლოგი, პირველი კატეგორიის ექიმი (1960), პირველი კატეგორიის ექიმი-ინფექციონისტი (1985), რესპუბლიკის დამსახურებული პენსიონერი.

წყარო: საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.281-283

• ქ. თბილისის საბურთალოს რაიონის ომისა და შრომის ვეტერანთა საბჭოს პრეზიდიუმის იდეოლოგიური და კულტმასიური მუდმივად მოქმედი კომისია, წევრი

• 1971 - საქართველოს დამსახურებული ექიმი
• შრომის ვეტერანი