ომარ ურუშაძე

დაბადების ადგილი: ქ. ოზურგეთი.

1963-1966წწ. ჯარში გაიწვიეს, სადაც საესტრადო ანსამბლში უკრავდა დასარტყმელ ინსტრუმენტზე, გიტარაზე, თან მღეროდა დიდი წარმატებით; ჯარიდან დაბრუნებული ოზურგეთის თეატრის ახალგაზრდული სტუდიის წევრი გახდა; რამდენიმე ხნის შემდეგ სტუდია დაიხურა, მაგრამ გამორჩეული მონაცემების მქონე ახალგაზრდა თეატრის დასში ჩაირიცხა; შესრულებული როლები: კოხტაია (ა. ცაგარელი - "რაც გინახავს, ვეღარ ნახავ", რეჟ. ბ. ნაკაიძე, 1969), კახელი სოფლის ახალგაზრდა (გ. მაზმიშვილი - "ქორწილი ჩვენს სოფელში", რეჟ. გ. აბესაძე, 1968), ალი ბაბა (გ. ნახუცრიშვილი - "ალი ბაბა", რეჟ. გ. აბესაძე, 1973), ყარამანი (გ. გეწაძე - "ყარამან ყანთელაძე", რეჟ. ი. მაცხონაშვილი, 1976), ნაცარქექია (გ. ნახუცრიშვილი - "ნაცარქექია", რეჟ. ს. კიკვაძე, 1982), ლუარსაბი (ი. ჭავჭავაძე - "კაცია ადამიანი?!", რეჟ. ს. კიკვაძე, 1987), ბეჟანა (ნ. დუმბაძე - "მე ვხედავ მზეს", რეჟ. ვ. ჩიგოგიძე), გიორგი თუშმალიშვილი (ნ. დუმბაძე - "მარადისობის კანონი", რეჟ. ო. კუტალაძე, 1994), ძაღლი "მურადა" (ნ. დუმბაძე - "გამარჯობა ხალხო!", რეჟ. ვ. ჩიგოგიძე), არტემ დოვლათოვი (რ. ერისთავი - "ნატაშასთან მივდივარ", რეჟ. შ. ურუშაძე, 1995), გოგია (ო. ჩხეიძე - "ვისია ვისი?!" რეჟ. ა. ესვანჯია, 1999), ჩაპა (ედუარდო დე ფილიპი - "ნეაპოლი მილიონერთა ქალაქი", რეჟ. ო. კუტალაძე, 2000), სანდრო მაღრაძე (თ. ბაქანიძე - "გიჟები", რეჟ. ი. ჯიჯიეშვილი, 2001), აკოფა (ა. ცაგარელი – "ხანუმა სტამბულში", რეჟ. თ. ბიწაძე, 2002), ვალიკო ჩალიჩავა (გ. ჭელიძე - "ინტელიგენტი ქურდი", რეჟ. ო. კუტალაძე, 2003), დეპუტატი ( ბ. ჯანიკაშვილი - "მშვიდობით თემურ", რეჟ. ს. კიკვაძე, 2003), ბოქაული ( მ. ჯავახიშვილი - "ჩანჩურა", რეჟ. თ. ბიწაძე, 2004), პაპუნა პიტრიშაძე (შ. დადიანი - "გუშინდელნი", რეჟ. შ. ბაბილოძე, 2006), მეფე ბაბუ (თ. ჭილაძე - "ნოეს კიდობანი", რეჟ. ო. კუტალაძე, 2008), გენერალი ( პ. კაკაბაძე - "ყვარყვარე", რეჟ. შ. ბაბილოძე, 2009), თეოფილე (ნ. არეშიძე - "შვილები და რძლები", რეჟ. ო. კუტალაძე, 2010) და სხვა; გადაღებულია სატელევიზიო სერიალ "გოგონა გარეუბნიდან", სადაც თამადის როლს ასრულებს ქორწილის სცენაში. ოზურგეთის ალექსანდრე წუწუნავას სახელობის სახელმწიფო თეატრის მსახიობი, თეატრთან არსებული ანსამბლის "სახიონის" წამყვანი მომღერალი.

წყარო: ომარ ურუშაძე : მსახიობი / ქეთევან კუკულავა.-ოზურგეთი,2009.-გვ.48; ოზურგეთის სახელმწიფო დრამატული თეატრი: facebook.com

• 2018 - ღირსების ორდენი
• 1988 - საქართველოს დამსახურებული არტისტი
• ალექსანდრე ჟორჟოლიანის სახელობის პრემია
• ოზურგეთის საპატიო მოქალაქე
• გიორგი შავგულიძის სახელობის პრემია