ელენე გოგიაშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1997 წელს; ასპირანტურა 2001 წელს. მიღებული აქვს სამეცნიერო-კვლევითი სტიპენდიები გერმანიაში: გიუნტერ ფინდელის (1998-1999), მაინცის ევროპის ისტორიის ინს-ტის (2000-2002), DAAD (2004, 2009, 2001), ვოლფენბიუტელის ჰერცოგ აუგუსტის ბიბ-კის (2005, 2007), ფრიც ტისენის (2008-2009) სტიპენდიატი ერფურტის უნ-ტსა და გოთას სამეცნ. ბიბ-კაში.

2003-2006წწ. იყო თბილისის სახელმწიფო უნივერსიტეტის ფოლკლორისტიკის კათედრის ლაბორანტი; 2006-2018წწ. თბილისის სახელმწიფო უნივერსიტეტის ასისტენტ-პროფესორი; კითხულობს საუნივერსიტეტო კურსებს სხვადასხვა საბაკალავრო და სამაგისტრო პროგრამაში: ზღაპრის მორფოლოგია, თანამედროვე თეორიები მითოლოგიასა და ფოლკლორისტიკაში, ამერიკის ხალხთა მითოლოგია, სკანდინავიური მითოლოგია, ჩერქეზული ფოლკლორი და ლიტერატურა და სხვ.; მისი ხელმძღვანელობით განხორციელდა შოთა რუსთაველის საქართველოს ეროვული სამეცნიერო ფონდის პროექტი "აღმოსავლეთი და დასავლეთი ქართულ ხალხურ ზღაპრებში: ზეპირი და ლიტერატურული ტრადიციები" (2019); ავტორია 100-მდე სამეცნიერო ნაშრომისა, მათ შორის 30-მდე უცხოურ პერიოდულ გამოცემებში. თბილისის სახელმწიფო უნივერსიტეტის ასოცირებული პროფესორი (2018).

საკანდიდატო დისერტაციის თემა - "ჯადოსნური ზღაპრის მითოსური და რელიგიური ასპექტები" (ხელმძღვანელი პროფ. ზურაბ კიკნაძე), დაიცვა 2002 წელს. 

წყარო: თბილისის სახელმწიფო უნივერსიტეტი: encyclopedia.tsu.ge

• ევროპის ზღაპრის საზოგადოება (Europäische Märchengesellschaft), წევრი (2001-)
• ვარშავის უნივერსიტეტის ზღაპარმცოდნეობის საერთაშორისო საზოგადოება (Interdyscyplinarny Bajkoznawczy Zespół Badawczy), წევრი (2019-)
• ფოლკლორის საერთაშორისო საზოგადოება (ISFNR), წევრი (2014-)

• 2021 - იაკობ გოგებაშვილის სახელობის პრემია
  ქართველოლოგიის დარგში