ფრიდრიხ კოლენატი

დაბადების ადგილი: ქ. პრაღა, ავსტრიის იმპერია (ახ. ჩეხეთი).

დაამთავრა კარლის უნივერსიტეტის სამედიცინო ფაკულტეტი.

უნივერსიტეტის დამთავრების შემდეგ მუშაობა განაგრძო ბოტანიკის ასისტენტად.

1842 წელს ის რუსეთში გადავიდა, როგორც ზოოლოგიის ასისტენტი სანქტ-პეტერბურგის მეცნიერებათა აკადემიაში. 1842 წლიდან 1845 წლამდე მონაწილეობდა კავკასიის, აზოვის ზღვიდან მთიან ყარაბაღამდე, კვლევებში და მოგვიანებით დონის ქვედა წელის კვლევა ჩაატარა. ბოტანიკური და ზოოლოგიური ნიმუშების შეგროვების მიზნით, 1843 წელს გერმანელმა მეცნიერმა ფრიდრიხ კოლენატმა კავკასიაში იმოგზაურა. ფრიდრიხ კოლენატის ინტერესთა სფერო მრავალფეროვანი იყო – აგროვებდა კავკასიის ხალხების შესახებ პოლიტიკურ-ეთნოგრაფიულ ცნობებს, სწავლობდა გეოლოგიის და რელიეფის ურთიერთდამოკიდებულების საკითხს. 1843-1844 წლებში მეცნიერი სამჯერ ესტუმრა ყაზბეგს. დაახასიათა ყაზბეგის ფერდობები და შექმნა რუკა. ფრიდრიხ კოლენატი შეიძლება ჩაითვალოს ყაზბეგის ფერდობების გეოგრაფიული რუკის შემდგენლად. მასვე ეკუთვნის თხზულება "მოგზაურობის მოგონებები", რომელიც 1858 წელს დრეზდენში გამოიცა. თხზულებაში რამდენიმე გვერდი ყაზბეგზე ასვლის აღწერას ეთმობა. 1845 წელს კოლენატი პრაღაში დაბრუნდა, სადაც ბუნების ისტორიის ასოცირებულ პროფესორად დაინიშნა. 1848 წელს მან აქტიური მონაწილეობა მიიღო იმ დროის რევოლუციურ მოვლენებში, რისთვისაც შემდგომში დააპატიმრეს. ციხიდან გათავისუფლების შემდეგ, პრაღის პოლიტექნიკურ ინსტიტუტში მინერალოგიასა და ზოოლოგიაში ლექციებს კითხულობდა და ბუნების ისტორიის პროფესორად მუშაობდა მცირე გიმნაზიაში. 1848 წელს მან თანადააარსა ლოტოსის სამეცნიერო ასოციაცია და დაინიშნა ბუნებისმეტყველებისა და ტექნოლოგიების სრულ პროფესორად ბრნოს პოლიტექნიკურ ინსტიტუტში. ამ განყოფილებაში მისი მოღვაწეობის პერიოდში მნიშვნელოვნად გაფართოვდა კოლექციები, განსაკუთრებით მინერალოგიური კოლექციები. გამოაქვეყნა 50-ზე მეტი ენტომოლოგიური ნაშრომი და ასევე ითვლებოდა ღამურების ექსპერტად. მისი მე-19 საუკუნის პირველი ნახევრის ხოჭოების კოლექცია გახდა ეროვნული მუზეუმის ენტომოლოგიური კოლექციის ერთ-ერთი საფუძველი პრაღაში. გარდაიცვალა პრადედში კვლევითი მოგზაურობისას და დაკრძალულია პატარა მორავკაში. ბოტანიკოსი, ზოოლოგი.

წყარო: ამბები საქართველო-გერმანიის ურთიერთობიდან = Stories of Georgian-German relations = Geschichte über georgisch-deutsche Beziehungen / ალბომზე მუშაობდნენ: სალომე ჭანტურიძე, მირიან ხოსიტაშვილი, ოთარ ჯანელიძე [და სხვა].-თბ.,2023.-გვ.117

• ჩეხეთის სამეფო მეცნიერებათა საზოგადოება, წევრი