არნოლდ მორიცი

დაბადების ადგილი: რუსეთის იმპერიის ესტლანდიის გუბერნიაში (ამჟამად ესტონეთი).

სწავლობდა დერპტის (გერმანულად - Dorpat, ამჟამად ტარტუ) უნივერსიტეტში.

არნოლდ მორიცი საქართველოში სავარაუდოდ, 1847 წელს ჩამოვიდა და თბილისის მაგნიტურ ობსერვატორიაში დამკვირვებლად დაიწყო მუშაობა. 1851 წელს კი, 30 წლის ასაკში, იგი თბილისის ობსერვატორიის დირექტორად დაინიშნა. 1860 წელს მეცნიერმა საფუძველი ჩაუყარა კუკიის ობსერვატორიის მშენებლობას. 1867 წლიდან თბილისის მაგნიტურ-მეტეოროლოგიურ ობსერვატორიას ფიზიკური უწოდეს და დირექტორად არნოლდ მორიცი დაინიშნა. მის სახელს უკავშირდება თბილისისა და სტავროპოლის ობსერვატორიების გეგმები; კახეთსა და ახტალაში გაზისა და მინერალური საბადოების აღმოჩენა და აფთიაქარ ვიტეს დახმარებით კავკასიური ნავთობისაგან პარაფინის სანთლების დამზადება; არნოლდ მორიცს ეკუთვნის ორტომეული – "მასალები კავკასიის კლიმატოლოგიის შესახებ". არნოლდ მორიცმა თბილისი 1878-1879 წლებში დატოვა. მეტეოროლოგი, მაგნიტოლოგი. (თბილისის გეოფიზიკური ობსერვატორიის აღმშენებლები და მისი არქიტექტურის გენეტიკური საფუძველი / მაია მანია. ცნობები ობსერვატორიის აშენებაში მონაწილე გერმანელ მეცნიერებსა და არქიტექტორზე. ობსერვატორიის პირველი დირექტორის არნოლდ მორიცის ცხოვრება და მოღვაწეობა. მანია მაია. ევროპელი არქიტექტორები თბილისში. თბილისი, 2006. გვ. 84-124). 

წყარო: ამბები საქართველო-გერმანიის ურთიერთობიდან = Stories of Georgian-German relations = Geschichte über georgisch-deutsche Beziehungen / ალბომზე მუშაობდნენ: სალომე ჭანტურიძე, მირიან ხოსიტაშვილი, ოთარ ჯანელიძე [და სხვა].-თბ.,2023.-გვ.120; facebook.com