სალომე ღლონტი

დაამთავრა ქ. აშხაბადის (თურქმენეთის) სახელმწიფო სამედიცინო ინსტიტუტის, სამკურნალო ფაკულტეტი.

1989-1991წწ. თურქმენეთის სახელმწიფო სამედიცინო ინსტიტუტში, გაიარა კლინიკური ორდინატურა შინაგან სნეულებების კათედრაზე; 1991-1996წწ. ორდინატურის დასრულებისთანავე სწავლის გასაგრძელებლად მოსკოვში გაემგზავრა, სადაც რუსეთის სახელმწიფო სამედიცინო აკადემიის ენდო-კრინოლოგიურ ცენტრში სწავლობდა, იქვე გაიარა მეორე კლინიკური ორდინატურა და ასპირანტურა.

1996 წელს უდიდესი გამოცდილებით დაბრუნდა სამშობლოში და მუშაობა დაიწყო ბათუმის "დიაგნოსტიკისა და აღდგენითი მკურნალობის ცენტრში" ექიმ-ენდოკრინოლოგად; 2002 წლიდან დღემდე შ.პ.ს. "ნაკაშიძე და კომპანიის" კლინიკა "პარაცელსის" ექიმი-ენდოკრინოლოგი; 2005 წლიდან დაინიშნა ბათუმის რესპუბლიკური კლინიკური საავადმყოფოს ენდოკრინოლოგიური განყოფილების ხელმძღვანელად; 2011 წლიდან ხელმძღვანელობდა ბათუმის რესპუბლიკური კლინიკური საავადმყოფოს თერაპიულ დეპარტამენტს; 2013 წლის თებერვლიდან არის შპს "უნიმედი აჭარა", თერაპიული დეპარტამენტისა და ენდოკრინოლოგიური სამსახურის ხელმძღვანელი; ბათუმის შოთა რუსთაველის სახელობის სახელმწიფო უნივერსიტეტის სამედიცინო ფაკულტეტის პედაგოგი. დაჯილდოვებულია სხვადასხვა სამთავრობო ჯილდოთი, მათ შორის მოსახლეობის სამედიცინო დახმარების საქმეში შეტანილი წვლილისთვის აჭარის ა/რ ჯანმრთელობისა და სოციალური დაცვის სამინისტროს სიგელით; ენდოკრინოლოგი, საბუნებისმეტყველო მეცნიერებათა და ჯანდაცვის ფაკულტეტის კლინიკური თერაპიის დეპარტამენტის ხელმძღვანელი, ასოცირებული პროფესორი.

წყარო: ისინი ქმნიან ეპოქას: ოქროს წიგნი / დარეჯან სანიკიძე.-თბ.,2016.-გვ.130

• აჭარის ექიმთა რეგიონალური ასოციაცია, თავმჯდომარე (2005-)
• ევროპის დიაბეტის შემსწავლელი ასოციაცია (EASD), წევრი
• ევროპის თირეოდოლოგიური ასოციაცია (ETA), წევრი
• შავი ზღვისპირა რეგიონების დიაბეტისა და ენდოკრინოლოგიურ დაავადებათა შემსწამსწავლელი ასოციაცია, თავმჯდომარე

• ღირსების ორდენი