მანანა შეროზია

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1972 წელს; გავლილი აქვს კვალიფიკაციის ასამაღლებელი კურსები რუსეთისა და უცხოეთის წამყვან კლინიკებში: ოდესა, მოსკოვი, ჰელსინკი, ლენინგრადი, ბელორუსია - 1974 წელს ჰელმჰოლცის ინსტიტუტში; 1976 წელს - უტეხინის ლაბორატორიაში; 1977 წელს - ჰელმჰოლცის ინსტიტუტის ქირურგიულ განყოფილებაში; 1978 წელს - ფიოდოროვის სახელობის თვალის კლინიკაში.

1972-1974წწ. განაწილებით მუშაობდა თეთრიწყაროს რაიონის საავადმყოფოში პედიატრად; 1974-1975წწ. ბავშვთა საავადმყოფოში პედიატრად; 1975 წლიდან საქალაქო თვალის სნეულებათა დისპანსერში ოფთალმოლოგად; 1976-2001წწ.  მეთოდური განყოფილების გამგედ; 2001 წლიდან ხელმძღვანელობს მისივე დაარსებულ თვალის კლინიკას: "მ. შეროზიას სახელობის თვალის კლინიკა" (ყოფილ შეროზიას ქუჩაზე, ამჟამად ზურაბ ჭავჭავაძის ქ. N3-ში); მიღებული აქვს ჯილდოები: "ოფთალმოლოგი ქალი" - მედიაჰოლდინგი, თბილისი (2016); "რეპუტაცია და ნდობა - ქართული ბრენდის დღე, თბილისი (2017), "საქმიანი და წარმატებული ქალები" - პერსონა 2017, თბილისი (2017); "თვის ექიმი" - ექიმები 2018, თბილისი (2018); 2005 წლიდან იყო უწმინდესისა და უნეტარესის ილია II -ის პირადი ექიმი - ოფთალმოლოგი. საქმიანობის სფერო: ოფთალმოლოგია, თერაპიული ოფთალმოლოგია, ოფთომეტრული ოფთალმოლოგია, ბავშვთა ოფთალმოლოგია. გამოქვეყნებული აქვს სამედიცინო ნაშრომები და თეზისები სხვადასხვა ჟურნალებსა და წიგნებში. ოფთალმოლოგი, მედიცინის დოქტორი.

წყარო: სამედიცინო პორტალი VIPMED.GE: vipmed.ge