გიორგი კორძახია

დაამთავრა თბილისის სახელმწოფო უნივერსიტეტის ფიზიკის ფაკულტეტი თეორიული ფიზიკის სპეციალობით 1970 წელს; მოსკოვის ჰიდრომეტეოროლოგიის ცენტრის ასპირანტურა სპეციალობით ატმოსფერული პროცესების მოდელირება 1975 წელს.

1977-1996წწ. იყო ჰიდრომეტეოროლოგიის ინსტიტუტის ამინდის პროგნოზირების განყოფილების უფროსი მეცნიერი თანამშრომელი, განყოფილების გამგე; 1996-2006წწ. ჰიდრომეტეოროლოგიის სახელმწიფო დეპარტამენტი: 1996-1998წწ. კლიმატის კვლევის ეროვნული ცენტრის დირექტორის მოადგილე; 1998-2004წწ. უცხოეთთან ურთიერთობის და პოლიტიკის მთავარი სამმართველოს უფროსი; 2004-2006წწ. ჰიდრომეტეოროლოგიის სამსახურის უფროსის მოადგილე; 2004-2011წწ. ჰიდრომეტეოროლოგიის ინსტიტუტის ჰიდროლოგიის განყოფილების უფროსი; 2006-2019წწ. გარემოს ეროვნული სააგენტო: 2006-2007წწ. სტრატეგიული დაგეგმვისა და საერთაშორისო ურთიერთობების სამმართველოს უფროსი; 2007-2014წწ. საერთაშორისო ურთიერთობების სამმართველოს უფროსი; 2014-2019წწ. ჰიდრომეტეოროლოგიის დეპარტამენტის უფროსის მოადგილე; 2011 წლიდან საქართველოს ტექნიკური უნივერსიტეტის ჰიდრომეტეოროლოგიის ინსტიტუტის უფროსი-მეცნიერი თანამშრომელი, მეცნიერ-თანამშრომელი. მონაწილეობა მიიღო საერთაშორისო ორგანიზაციების (მსოფლიო მეტეოროლოგიური ორგანიზაცია, გაეროს განვითარების პროგრამა, გაეროს გარემოს პროგრამა, გაეროს კულტურისა და მეცნიერების ორგანიზაცია, კლიმატის ცვლილების სამთავრობათშორისი საბჭო, ევროპის სამეცნიერო ინფრასტრუქტურის ჩარჩო პროგრამის სხვადასხვა პროექტების, ნატოს პროგრამა მშვიდობისათვის, კლიმატის ტექნოლოგიების სამეცნიერო ქსელის და სხვა) 50-ზე მეტ სამეცნიერო პროგრამისა და პროექტის შესრულებაში; მონაწილეობდა ამ ორგანიზაციების სიმპოზიუმების, სამეცნიერო კონფერენციების და სესიების მუშაობაში. იყო სამეცნიერო კონფერენციების, სიმპოზიუმების სექციების, სესიების თავმჯდომარე. წაკითხული აქვს ლექციები და სამეცნიერო მოხსენებები ევროპისა და აზიის სხვადასხვა სამეცნიერო ცენტრებში და უნივერსიტეტებში; გამოქვეყნებული აქვს 100-ზე მეტი სამეცნიერო სტატია და 6 სამეცნიერო მონოგრაფია. სხვადასხვა საერთაშორისო ორგანიზაციის სამუშაო ჯგუფის წევრი, როგორც რეგიონალურ ასევე ეროვნულ დონეზე. ფიზიკის აკადემიური დოქტორი.

წყარო: საქართველოს ტექნიკური უნივერსიტეტის ჰიდრომეტეოროლოგიის ინსტიტუტის ვებგვერდი: my.gtu.ge

• ღირსების მედალი

• ქვემო ქართლის ეკოსისტემების დაბინძურების კვლევა და მისი გავლენა სასურსათო პროდუქტების უვნებლობაზე : მონოგრაფია (თანაავტორი). - თბილისი, უნივერსალი, 2023. - 300გვ.. - ISBN: 9789941334498
• ალაზნის ველის ნიადაგების დეგრადაციის საკითხები კლიმატის თანამედროვე ცვლილების ფონზე : მონოგრაფია (თანაავტორი). - თბილისი, უნივერსალი, 2014. - 182გვ.. - ISBN: 9789941222498
• თანამგზავრული ინფორმაციის გამოყენება შავი ზღვის ზედაპირის ტემპერატურის განსაზღვრისათვის : მონოგრაფია (თანაავტორი). - თბილისი, უნივერსალი, 2011. - 102გვ.. - ISBN: 9789941173615