ნანა მრევლიშვილი

დაბადების ადგილი: ქ. მცხეთა.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1992 წელს; ასპირანტურა 1996 წელს.

1992-1994წწ. იყო მცხეთის სამხარეო მუზეუმის უფროსი მეცნიერ თანამშრომელი; 1992–1996წწ. ჰუმანიტარული აკადემიის ლექტორი; 1998-2005წწ. თბილისის სახელმწიფო უნივერსიტეტის ქართვე­ლოლოგიური სკოლის ცენტრის ქართული ენის მასწავლებელი; 2001-2006წწ. თბილისის სახელმწიფო უნივერსიტეტის მოწვეული ლექტორი; 2004-2006წწ. თბილისის სახელმწიფო უნივერსიტეტის ქართულ-საზღვარგარეთული სამეცნიერო-კვლევითი ლაბორატორიის მეცნიერ თანა­მშრომელი; 2006-2022წწ. შოთა რუსთაველის სახელობის ქართული ლიტერატურის ინსტიტუტის მეცნიერ თანამშრომელი; 2010-2011წწ. თბილისის დ. აღმაშენებლის სახელობის უნივერსიტეტის ასოცირებული პროფესორი; 2018-2022წწ. ილიას სახელმწიფო უნივერსიტეტის მოწვე­ული ლექტორი; საქართველოს უნივერსიტეტის ასოცირებული პროფესორი (2008); საქართველოს უნივერსიტეტის თ. ბერაძის სახელობის ქართველოლოგიის ინსტიტუტის მთავარი მეცნიერი თანამშრომელი, ენისა და ლიტერატურის დეპარტამენტის ხელმძღვანელი (2022), საქართველოს უნივერსიტეტის ქართული მედიევისტიკა – ენისა და ლიტერატურის კვლევების სამაგისტრო პროგრამის ხელმძღვანელი (2025). მისი სამეცნიერო ინტერესთა სფერო ძირითადად მოიცავს ქართული მედიევალური მწერლობის (ორიგინალური და ნათარგმნი) საკითხებს: სპეციალისტთა ჯგუფთან ერთად იგი არის ძველქართულ-ძველბერძნული ფილოსოფიურ-თეოლოგიური ტერმინოლოგიის დოკუმენ­ტირებული ლექსიკონის I-II ტომის ერთ-ერთი შემდგენელი (2010); ქართული მწერლობის კვლევის მიმართულებით კი გამოქვეყნებული აქვს სტატიები: იაკობ ხუცესის "შუშანიკის წამების" სტრუქტურულ-კომპოზიციური თავისებურება (2012); საღვთისმეტყველო-თეოლოგიურ ტერმინთა ძირითადი სტრუქტურული მოდელები გიორგი მთაწმინდელთან (2014); სივრცის ონტოლოგიური კატეგორია და აგიოგრაფიული ტექსტი იოანე საბანისძის "აბოს წამების" მიხედვით (2016); რწმენა, ცოდნა და განათლების სისტემა "გრიგოლ ხანძთელის ცხოვრებაში" (2018); "სერაპიონ ზარზმელის ცხოვრების" სტრუქტურულ-კომპო­ზიციური თავისებურება (2021), "წმიდანი იგი წიგნნი მოწამეთანი" თუ "წმიდანი იგი ნაწილნი მოწამეთანი" შუშანიკის წამების ერთი იკითხვისის დაზუსტებისათვის (2024) და სხვა. ფილოლოგიის მეცნიერებათა კანდიდატი (2001),  პროფესორი. 

წყარო: თბილისის სახელმწიფო უნივერსიტეტი: encyclopedia.tsu.ge

• კომპარატივისტული ლიტერატურის ქართული ასოციაცია, წევრი
• საქართველოს ბიზანტინოლოგთა ეროვნული კავშირი, წევრი

• ეკლესიასტეს თარგმანებათა გელათური ვერსია : მიტროფანე სმირნელი მიტროპოლიტისა და ოლიმპიოდორე ალექსანდრიელი დიაკონის თარგმანებათა ქართული რედაქცია (ავტორი). - თბილისი, საქართველოს უნივერსიტეტის გამომცემლობა, 2023. - 664გვ.. - ISBN: 9789941980763
• სასულიერო მწერლობა : წერილები : აგიოგრაფია, ჰიმნოგრაფია, ეგზეგეტიკა (ავტორი). - თბილისი, მერიდიანი, 2022. - 594გვ.. - ISBN: 9789941840500
• ქართული ლიტერატურა აბიტურიენტებისათვის : ტექსტები და მითითებები წერითი დავალების შესასრულებლად : დამხმარე სახელმძღვანელო (ავტორი). - თბილისი, მერიდიანი, 2020. - 314გვ.. - ISBN: 9789941257728
• გრიგოლ ნეოკესარიელის ეკლესიასტეს მეტაფრასის ძველი ქართული თარგმანი (ავტორი). - თბილისი, უნივერსალი, 2005. - 62გვ.. - ISBN: 9994051938