გივი კორინთელი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო სამედიცინო ინსტიტუტის სამკურნალო ფაკულტეტი 1941 წელს.

1941-1945წწ. ომის დროს იბრძოდა: სამხრეთ-დასავლეთისა და სტალინგრადის ფრონტებზე, ორიოლსკის მიმართულებით, ცენტრალურ და პირველ ბელორუსიის ფრონტებზე საბჭოთა საოკუპაციო ჯარების შემადგენლობაში. მძიმე ჭრილობის მიღების გამო დემობილიზებულ იქნა საბჭოთა არმიის რიგებიდან 1946 წელს. 1946-1949წწ. იყო აკადემიკოს მ. წინამძღვრიშვილის სახელობის კლინიკური და ექსპერიმენტული კარდიოლოგიის ინსტიტუტის ექიმი-ორდინატორი; 1949-1953წწ. იყო ამავე ინსტიტუტის კლინიკური სტაციონარის გამგე; 1953-1957წწ. იყო საქართველოს ჯანდაცვის სამინისტროს აკადემიკოს გრ. მუხაძის სახელობის სისხლის გადასხმის სამეცნიერო-კვლევითი ინსტიტუტის უმცროსი მეცნიერ-თანამშრომელი; 1957-1961წწ. ამავე ინსტიტუტის დონორთა განყოფილების ხელმძღვანელი; 1961-1962წწ. საქართველოს მეცნიერებათა აკადემიის აკადემიკოს მიხეილ წინამძღვრიშვილის სახელობის კლინიკური და ექსპერიმენტული კარდიოლოგიური ინსტიტუტის ფიზიოლოგიისა და პათოფიზიოლოგიის განყოფილების უფროსი მეცნიერ-თანამშრომელი; 1962 წელს (კონკურსით) მუშაობა განაგრძო ამავე ინსტიტუტის კლინიკური განყოფილების ელექტროგრაფიის ლაბორატორიის უფროს მეცნიერ-თანამშრომლად; 1962-1988წწ. ინსტიტუტის უფროსი მეცნიერ-თანამშრომელი; იყო თეორიულ - პრაქტიკული მნიშვნელობის 20 სამეცნიერო ნაშრომის ავტორი, რომელთაც უმეტესობა ინსტიტუტის კრებულშია დაბეჭდილი. შრომები ეხება გულ-სისხლძარღვთა სისტემის პათოლოგიის მნიშვნელოვან საკითხებს. იგი აქტიურად მონაწილეობდა კარდიოლოგიის ინსტიტუტის მიერ მოწყობილ გაფართოებულ სამეცნიერო სესიის მუშაობაში ქალაქებში: თბილისი, კიევი, მოსკოვი და სხვა; ასევე მონაწილეობდა თბილისის კარდიოლოგიის ინსტიტუტის მიერ ორგანიზებულ ყველა სამეცნიერო ექსპედიციაში (1947-1951) და აწარმოებდა ჰიპერტონიული სნეულებით შეპყრობილ ავადმყოფთა აღრიცხვასა და შესწავლას სხვადასხვა რაიონში. იგი შესანიშნავი დონორთა კადრების დაკომპლექტების საქმის ორგანიზატორი იყო. ხუთი საომარო ორდენითა და მედლებით იყო დაჯილდოებული, ასევე, უმაღლესი მთავარსარდლის ი. სტალინის 2 პირადი მადლობით. ცნობილი ექიმი-კარდიოლოგი, მედიცინის მეცნიერებათა კანდიდატი. საკანდიატო დისერტაციის თემა - "ჰიპერტონიული სნეულების მკურნალობა სალსილინ-ნოვოკაინის ნარევით", დაიცვა 1959 წელს.

წყარო: საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.439-440