გიორგი აგლაძე

დაამთავრა საქართველოს ტექნიკური უნივერსიტეტის ენერგეტიკის ფაკულტეტი.

მუშაობდა საქართველოს საზღვაო-სანაოსნოს შორეული ნაოსნობის გემების ელექტრიკოსად; რაფიელ აგლაძის არაორგანული ქიმიისა და ელექტროქიმიის ინსტიტუტის ელექტროქიმიისა და ელექტრომეტალურგიის ლაბორატორიის ხელმძღვანელად. კემბრიჯის საერთაშორისო ბიოგრაფიული ცენტრის მიერ შეტანილია 2009-2010წწ. "მსოფლიო საუკეთესო ინჟინერთა ასეულში". გამოქვეყნებული ჰქონდა 130 სამეცნიერო შრომა. მიღებული ჰქონდა 33 ნაციონალური და საერთაშორისო პატენტი და საავტორო მოწმობა გამოგონებაზე, რომელთა მნიშვნელოვანი ნაწილი დანერგილია წარმოებაში, ხოლო მათზე ლიცენზიები გაყიდულია გერმანიაში, შვეიცარიაში, იაპონიაში, ჩეხეთში, ბულგარეთში, სამხრეთ კორეაში. ელექტრიკოსი, ქიმიკოსი. ტექნიკურ მეცნიერებათა დოქტორი, პროფესორი.

წყარო: დიდუბის პანთეონი=Didube pantheon/ბადრი ქუთათელაძე. -თბ., 2025.-გვ.24

• საერთაშორისო ელექტროქიმიური საზოგადოება, ნამდვილი წევრი
• საქართველოს საინჟინრო და ეკოლოგიურ მეცნიერებათა აკადემია, ნამდვილი წევრი