ვენერა ხიდეშელი

დაბადების ადგილი: სოფელი ხიდეშლები, ონის რაიონი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1949 წელს.

1949 წელს ქ. თბილისის ექიმთა დახელოვნების ინსტიტუტში გაიარა სპეციალიზაცია ონკოლოგიაში; 1949-1952წწ. ონის რაიონის საავადმყოფო-პოლიკლინიკური გაერთიანების ექიმი-ონკოლოგია; 1953 წელს ჩრდილოეთ ოსეთის ავტონომიური ოლქის ქ. ორჯონიკიძის რესპუბლიკური ონკოლოგიური დისპანსერის ქირურგი-ონკოლოგია; 1953-1956წწ. ქ. მოსკოვის პ. გერცენის სახელობის ონკოლოგიის სამეცნიერო-კვლევითი ინსტიტუტის ექიმი-ორდინატორია; 1956-1962წწ. ჩრდილოეთ ოსეთის ავტონომიური ოლქის ქ. ორჯონიკიძის რესპუბლიკური ონკოლოგიური სტაციონარის ქირურგი-ონკოლოგი; 1959 წელს კვალიფიკაცია გაიარა ონკოლოგიაში სსრკ მედიცინის მეცნიერებათა აკადემიის ქ. ლენინგრადის ონკოლოგიის ინსტიტუტში; 1963-1977წწ. საქართველოს ჯანდაცვის სამინისტროს ქ. თბილისის ონკოლოგიის სამეცნიერო-კვლევითი ინსტიტუტის ქირურგიის განყოფილების უმცროსი მეცნიერ-თანამშრომელი; 1977-1997წწ. ქ. თბილისის ონკოლოგიის ნაციონალური ცენტრის რბილი ქსოვილებისა და ძვლის სიმსივნეების განყოფილების უფროსი მეცნიერ-თანამშრომელი; მას ეკუთვნის 19 სამეცნიერო ნაშრომი; ოპერაციებს აკეთებდა მუცლის ღრუზე, სარძევე ჯირკვლებზე, ლიმფატიკურ აპარატზე, ფლობდა კიბოს დაავადებათა ობიექტური დიაგნოსტიკის ენდოსკოპურ მეთოდებს და სხვა. ექიმი-ქირურგი, მედიცინის მეცნიერებათა დოქტორი, დამსახურებული პენსიონერი პროფესორი (1998).

საკანდიდატო დისერტაციის თემა - "ბარის სხეულაკების კლინიკური მნიშვნელობა სარძევე ჯირკვლის სიმსივნეების დროს", დაიცვა 1973 წელს.

წყარო: საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.547-549

• დუშეთისა და ყაზბეგის რაიონების ონკოლოგიის სამსახური, კურატორი
• ინსტიტუტის სახალხო კონტროლის ჯგუფის კლინიკური სამსახურის შემმოწმებელი სექტორი, თავმჯდომარე
• ონის რაიონის სახალხო სასამართლო, სახალხო მსაჯული (1962-)