გიორგი გრიგოლია

დაბადების ადგილი: სოფელი ჭოგნარი, სამტრედიის რაიონი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1941 წელს.

1941-1943წწ. განაწილებით მოხვდა სამტრედიის რაიონის სოფელ ტოლებში ექიმად; 1943 წელს გაწვეულ იქნა სამამულო ომში მოქმედ არმიაში. იბრძოდა: ჩრდილოეთ კავკასიაში, ყირიმში, უკრაინასა და ჩეხოსლოვაკიაში; 1945-1954წწ. ომის დამთავრების შემდეგ მსახურობდა შეიარღებულ ძალებში; 1954-1955წწ. იყო სამტრედიის რაიონის სოფელ გამოჩინებულის საუბნო საავადმყოფოს გამგე; 1955-1963წწ. სამტრედიის რაიონის სოფელ საჯავახოს საუბნო საავადმყოფოს გამგე (1963); პარალელურად მუშაობდა სამტრედიის რაიონის გადაუდებელი დახმარების ექიმად. ხშირად იბეჭდებოდა მისი სტატიები და პრაქტიკული რჩევები ჯანმრთელობის საკითხებზე სამტრედიის რაიონის გაზეთ "წინსვლაში"; იყო რამდენიმე მოწვევის რაიონული და სასოფლო საბჭოს დეპუტატი; ბატონი გრიგოლია დაჯილდოებული იყო სამხედრო და სამოქალაქო ჯილდოებით: ორდენებითა და მედლებით, 13-ჯერ ჰქონდა მიღებული სტალინისგან მადლობა. დამსახურებული პენსიონერი (1985), ექიმი-თერაპევტი.

წყარო: საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.555-556

• 1974 - მედალი "ჯანმრთელობის დაცვის ფრიადოსანი"
• 1967 - საქართველოს დამსახურებული ექიმი
• სამამულო ომის III ხარისხის ორდენი
• სამამულო ომის II ხარისხის ორდენი