მერი უროტაძე

დაბადების ადგილი: დაბა აგარა, ხაშურის რაიონი.

დაამთავრა თბილისის სახელმწიფო სამედიცინო ინსტიტუტის პედიატრიის ფაკულტეტი 1952 წელს.

1952-1955წწ. იყოხაშურის რაიონის ჯანმრთელობის დაცვის განყოფილების ბავშვთა ინსპექტორი; 1955-1962წწ. ხაშურის სამშობიარო სახლის ექიმი-პედიატრი; 1962 წელს დაბა სურამის ბავშვთა სანატორიუმ "მთის მზის" მთავარი ექიმი; 1962-2004წწ. ხაშურის რაიონის სამშობიარო სახლის ექიმი-ორდინატორი; პარალელურად (1984-1987) იყო ხაშურის რაიონის მთავარი  ექიმის მოადგილე ადმინისტრაციის დარგში; მან კვალიფიკაცია აიმაღლა ექიმთა დახელოვნების სპეციალიზაციის ციკლზე (1966, 1980), "მეანობა-გინეკოლოგიის აქტუალური საკითხების" ციკლზე  (1987, 1988); 1972 წელს საქართველოს ჯანდაცვის სამინისტროს საატესტაციო კომისიამ მიანიჭა მეან-გინეკოლოგის მეორე კატეგორია, შემდეგ  მეან-გინეკოლოგის პირველი კატეგორია. საქართველოს ჯანდაცვის კანონმდებლობის თანახმად მ. უროტაძეს ჩაბარებული ჰქონდა უნიფიცირებული სახელმწიფო სასერთიფიკაციო გამოცდა და მინიჭებული ჰქონდა ექიმ-სპეციალისტის "მეანობა-გინეკოლოგია და პერინატალური მედიცინა" (სტაციონარის) წოდება (1999); წლების მანძილზე იყო ხაშურის რაიონის ქალთა საბჭოს თავმჯდომარე; მოსახლეობის წინაში სამედიცინო მომსახურეობის საქმეში ხანგრძლივი და ნაყოფიერი მუშაობისათვის დაჯილდოებული იყო მედლებით, სიგელითა და მადლობით. ექიმი მეან-გინეკოლოგი, ჯანმრთელობის დაცვის ორგანიზატორი.

წყარო: საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.563-564

• 2003 - ღირსების ორდენი
• 1984 - შრომის ვეტერანი
• 1972 - მედალი "ჯანმრთელობის დაცვის ფრიადოსანი"
• 1970 - მედალი "კეთილსინდისიერი შრომისთვის"