მარინე ზაუტაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ქიმიის ტექნოლოგიის ფაკულტეტი მინისა და სიტალების ქიმიური ტექნოლოგიის სპეციალობოთ ინჟინერ-ქიმიკოს-ტექნოლოგის კვალიფიკაციით 1990 წელს; საქართველოს მეცნიერებათა აკადემიის პ. მელიქიშვილის ფიზიკისა და ორგანული ქიმიის ინსტიტუტის ასპირანტურა 1996 წელს; გაიარა სასწავლო კურსები მაღალი ხარისხის თხევადი ქრომატოგრაფიის და აკრედიტირებული ლაბორატორიებისთვის ანალიზისა და სინჯის აღების მეთოდების განუსაზღვრელობა 2019 წელს.

1990-2012წწ. იყო საქართველოს მეცნიერებათა აკადემიის პ. მელიქიშვილის ფიზიკისა და ორგანული ქიმიის ინსტიტუტის მეცნიერ-თანამშრომლი; 2012-2024წწ. თბილისის სახელმწიფო უნივერსიტეტის პ. მელიქიშვილის სახელობის ფიზიკისა და ორგანული ქიმიის ინსტიტუტის ფიზიკურ-ქიმიური პროცესების კვლევის ლაბორატორიის უფროსი მეცნიერ-თანამშრომლი; 2024 წლიდან მთავარი მეცნიერ-თანამშრომელი და ინსტიტუტის სამეცნიერო საბჭოს წევრი; 2016–2024წწ. თბილისის სახელმწიფო უნივერსიტეტის აკადემიური საბჭოს წევრი. მისი სამეცნიერო ინტერესები მოიცავს საქართველოს ბუნებრივი ცეოლითების გამოყენებას სამშენებლო საქმეში, გარემოს დაცვის მიზნით და სოფლის მეურნეობაში; გამოქვეყნებული აქვს სამეცნიერო პუბლიკაციები რეიტინგულ ჟურნალებში, მიღებული აქვს ინტელექტუალური საკუთრების დამადასტურებელი მოწმობები, მონაწილეობს ეროვულ და საერთაშორისო სამეცნიერო ღონისძიებებში და ეროვნული სამეცნიერო ფონდის მიერ დაფინანსებულ საგრანტო პროექტებში; დაჯილდოებულია საქართველოს მეცნიერებათა ეროვნული აკადემიის საპატიო სიგელით გაეროს მიერ დაწესებულ მეცნიერ ქალთა და გოგონათა საერთაშორისო დღის აღსანიშნავად ფიზიკური ქიმიის დარგში სამეცნიერო მიღწევებისათვის (2025). ქიმიის მეცნიერებათა კანდიდატი (2002).

საკანდიდატო დისერტაციის თემა - "ზოგიერთი მეზოფორული სორბენტის დაყოფითი თვისებების კვლევა აირადი ქრომატოგრაფიის მეთოდით", დაიცვა (2002) წელს.

წყარო: თბილისის სახელმწიფო უნივერსიტეტი: encyclopedia.tsu.ge