ნინო აბესაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ეკონომიკის ფაკულტეტი სტატისტიკის სპეციალობით 1987 წელს;  სწავლა განაგრძო ფაკულტეტის ასპირანტურაში.

2006 წლიდან არის ეკონომიკისა და სოციალური სტატისტიკის კათედრის ასოცირებული პროფესორი; 2010 წლიდან ეკონომიკის აკადემიური დოქტორი გაეროს ექსპერტი ფასების სტატისტიკაში; სხვადასხვა საერთაშორისო სამეცნიერო ჟურნალების სარედაქციო კოლეგიის წევრი, საქართველოს სტატისტიკის ეროვნული სამსახურის მრჩეველთა საბჭოს წევრი (2017); საქართველოს პრეზიდენტის სტიპენდიატი, გერმანიის აკადემიის გაცვლის სამსახურის (DAAD) სამგზის სტიპენდიატი; 2014-2023წწ. თბილისის სახელმწიფო უნივერსიტეტის წარმომადგენლობითი საბჭოს (სენატის) წევრი; განათლების ხარისხის განვითარების ეროვნული ცენტრის ექსპერტთა კოლეგიის წევრი (2019); ეკონომიკისა და სოციალური სტატისტიკის კათედრის დარგობრივი სარედაქციო კოლეგიის წევრი (2017); არის სახელმძღვანელოს, სალექციო კურსისა და სამეცნიერო სტატიების ავტორი და თანაავტორი: "ტურიზმის სტატისტიკის სრულყოფისათვის საქართველოში" (2011); "ინფლაციის გაანგარიშების მეთოდოლოგიის სრულყოფისათვის" (2012); "ბიზნესინფორმაციის საიმედოობა და მისი ხარისხის გაზომვის სტატისტიკური მეთოდები" (2010); მონაწილეობდა 50-ზე მეტ საერთაშორისო სამეცნიერო კონფერენციაში, 20-ზე მეტ კვალიფიკაციის ასამაღლებელ კურსებსა და საგრანტო პროექტში; სამგზის გამარჯვებული სტუდენტური პროექტების კონსულტანტი. ეკონომიკის მეცნიერებათა კანდიდატი.

საკანდიდატო დისერტაციის თემა - "ქალთა დასაქმების სტატისტიკური შესწავლა და რაციონალიზაცია: (არასაწარმოო სფეროს მაგალითზე)", დაიცვა 1993. 

წყარო: თბილისის სახელმწიფო უნივერსიტეტი: encyclopedia.tsu.ge

• სტატისტიკა ტურიზმისათვის : ამოცანებისა და ტექსტების კრებული (თანაავტორი). - თბილისი, უნივერსალი, 2025. - 132გვ.. - ISBN: 9789941521980
• სტატისტიკა ტურიზმისათვის : ამოცანების და ტესტების კრებული (თანაავტორი). - თბილისი, უნივერსალი, 2018. - 124გვ.. - ISBN: 9789941263460
• უცხოელ ვიზიტორთა ტურისტული ხარჯები საქართველოში = Tourist expenses of foreign visitors in Georgia : მონოგრაფია (თანაავტორი). - თბილისი, თბილ. უნ-ტის გამ-ბა, 2018. - 132გვ.. - ISBN: 9789941137259
• სტატისტიკა ტურიზმისათვის : სახელმძღვანელო (თანაავტორი). - თბილისი, უნივერსალი, 2017. - 608გვ.. - ISBN: 9789941261114