გიორგი ზაგაშვილი

დაბადების ადგილი: ქ. ყაზბეგი.

დაამთავრა ლენინგრადის გემთსაამშენებლო ინსტიტუტი გემების ძალოვანი დანადგარების სპეციალობით 1972 წელს; გავლილი აქვს კვალიფიკაციის ამაღლების კურსები: ლენინგრადის ადმირალ მაკაროვის სახელობის საზღვაო აკადემია (1981, 1984); ჰამბურგი, გერმანია, კომპანია "ბომინფლოტი" (1990).

1972-1974წწ. იყო საქართველოს საზღვაო სანაოსნოს ტექნიკური განყოფილების ინჟინერი და უფროსი ინჟინერი; 1974-1975წწ. საქართველოს საზღვაო სანაოსნოს მომარაგების სამსახურის დანადგარებისა და სათადარიგო ნაწილების განყოფილების უფროსი; 1975-1980წწ. საქართველოს საზღვაო სანაოსნოს გემების ჯგუფის მექანიკოსი; 1980-1985წწ. ბათუმის საქართველოს საზღვაო სანაოსნოს ტექნიკური განყოფილების უფროსი; 1985-1988წწ. გრძელვადიანი მივლინებით იმყოფებოდა პოლონეთში, შეცინი, საზღვაო ფლოტის გემების შეკეთების ორგანიზება ექსპორტ-იმპორტული კორპორაციის "სუდოიმპორტ"-ის ხაზით; 1988-1993წწ. იყო საქართველოს საზღვაო სანაოსნოს ფლოტის ტექნიკური ექსპლუატაციის სამმართველოს უფროსი; 1993-1999წწ. საქართველოს საზღვაო სანაოსნოს ტექნიკური განყოფილების უფროსი; 1999-2005წწ. თბილისის საოკეანო სანაოსნო კომპანიის ტექნიკური მენეჯერი; 2005-2007წწ. გემების სამენეჯმენტო კომპანიის "ისტვინდ ჰელლასის" ტექნიკური მენეჯერი (საბერძნეთი, პირეი); 2007-2009წწ. თბილისის საოკეანო სანაოსნო კომპანიის ტექნიკური მენეჯერი და "ისტ ვინდ, ნიუ-იორკის" ტექნიკური სუპერინტენდანტი; 2009-2011წწ. ჩინეთის ჟიანჟანგ-ის გემსაამშენებლო ქარხანაში, აშშ კომპანია "ინტრეპიდის" სახელით 17000 ტონიანი დედვეიტის ქიმმზიდდების მშენებლობის ზედამხედველობა; 2011-2012წწ. ბათუმის სახელმწიფო საზღვაო აკადემიის საინჟინრო ფაკულტეტის დეკანის მოადგილე.

• 2002 - ღირსების ორდენი
  საზღვაო დარგის განვითარებაში გაწეული ღვაწლისთვის