გრიგოლ უგრეხელიძე

აფხაზეთის კონფლიქტის დაწყებისთანავე სოხუმის რაიონის სოფელ ლინდავას (ლინდაუ) მკვიდრი გრიგოლ უგრეხელიძე 1992 წლის სექტემბერში რიგითად ჩაეწერა თავდაცვის სამინისტროს მე-2 საარმიო კორპუსის 23-ე მექანიზირებული ბრიგადის პირველ მოტომსროლელ ბატალიონში. დაიღუპა 1993 წლის 17 სექტემბერს ჭურვის აფეთქების შედეგად. (საბრძოლო მოქმედებების გართულების გამო, თანამებრძოლებმა ვერ შესძლეს დაღუპულის გამოყვანა ბრძოლის ველიდან და მისი ნეშტი დაუსაფლავებელი დარჩა). გიორგი და ზვიად უგრეხელიძეების მამა. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.399