თამაზ გაჩეჩილაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1962 წელს.

1962-1965წწწ. იყო ქ. ჭიათურის საავადმყოფოს ქირურგიული განყოფილების ექიმი-ორდინატორი; 1965-1967წწ. ქ. მოსკოვის ექიმთა დახელოვნების ცენტრალური ინსტიტუტის ბავშვთა ქირურგიის კათედრის კლინიკური ორდინატორი; 1967-1969წწ. ქ. მოსკოვის ექიმთა დახელოვნების ცენტრალური ინსტიტუტის ბავშვთა ქირურგიის კათედრის ექიმი სამუშაო ადგილით; საქართველოს ჯანმრთელობის დაცვის სამინისტროს ტრავმატოლოგიისა და ორთოპედიის სამეცნიერო კვლევითი ინსტიტუტის ექიმი-ორდინატორი (1969); 1969-1985წწ. თბილისის სახელმწიფო სამედიცინო უნივერსიტეტის ბავშვთა ქირურგიის კათედრის ასისტენტი; 1985-1988წწ. ამავე კათედრის დოცენტი; 1989-1994წწ. თბილისის სახელმწიფო სამედიცინო უნივერსიტეტის ბავშვთა ქირურგიის კათედრის პროფესორი; 1994-2004წწ. თბილისის სახელმწიფო სამედიცინო უნივერსიტეტის პედიატრიული კლინიკის ქირურგიული ბლოკის ხელმძღვანელი, თბილისის სახელმწიფო სამედიცინო უნივერსიტეტის ბავშვთა ქირურგიის, ორთოპედიისა და ანესთეზიოლოგია - რეანიმატოლოგიის კათედრის პროფესორი; ავტორია 103 მეცნიერული ნაშრომისა, რომელიც ბავშვთა ქირურგიის აქტუალურ საკითხებს, მათ შორისაა 2 გამოგონება, 4 რაციონალიზატირული წინადადება და 2 სახელმძღვანელო პედიატრიული ფაკულტეტის სტუდენტებისათვის -"ჩვილ ბავშვთა ქირურგია" (1998, თანაავტოტებთან ერთად) და "ბავშვთა ქირურგია" (2002); იგი იყო საქართველოში ბავშვთა პროქტოლოგიის ფუძემდებელი. ატარებდა პრაქტიკულ მეცადინეობებს და ლექციებს; აქტიურ მონაწილეობას ღებულობდა როგორც სასწავლო, ასევე სამკურნალო პროცესის სრულყოფაში, ნერგავდა კლინიკაში ოპერაციული მკურნალობის თანამედროვე მიღწევებს. თბილისის პედიატრიული ინსტიტუტის ერთ-ერთი დამფუძნებელი. ბავშვთა ქირურგი, მედიცინის მეცნიერებათა კანდიდატი (1969), მედიცინის მეცნიერებათა დოქტორი (1988), პროფესორი.

წყარო: საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.649-652

• ამერიკის პედიატრიული აკადემია, ნამდვილი წევრი
• საქართველოს ბავშვთა ქირურგთა კავშირი, ვიცე-პრეზიდენტი (1994-)
• საქართველოს სამედიცინო-ბიოლოგიურ მეცნიერებათა აკადემია, აკადემიკოსი

• ღირსების ორდენი