მიხეილ ამაღლობელი

დაბადების ადგილი: ქ. სამტრედია.

დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი 1982 წელს; თბილისის სახელმწიფო უნივერსიტეტის ასპირანტურა 1985 წელს.

1986 წლიდან მუშაობდა თბილისის სახელმწიფო უნივერსიტეტის ალგებრა-გეომეტრიის კათედრაზე; 2006 წლიდან თბილისის სახელმწიფო უნივერსიტეტის ზუსტ და საბუნებისმეტყველო მეცნიერებათა ფაკულტეტის მათემატიკის დეპარტამენტის ასოცირებულ პროფესორად. მისი სამეცნიერო ინტერესების სფეროა: ჯგუფთა თეორია, ალგებრული გეომეტრია ალგებრულ სისტემებზე, ალგებრის ალგორითმული პრობლემები. არის ალგებრის სახელმძღვანელოს (სამი ნაწილი) ავტორი. ფიზიკა-მათემატიკის მეცნიერებათა კანდიდატი (1994), დაიცვა ს. სობოლევის სახ. მათემატიკის ინსტიტუტში (ნოვოსიბირსკი, რუსეთი). თბილისის სახელმწიფო უნივერსიტეტის ასოცირებული პროფესორი, ფიზიკა-მათემატიკის მეცნიერებათა დოქტორი (2002). საქართველოს სწავლულ ექსპერტთა საბჭოს წევრი (2004). არის ფ. მ. დოსტოევსკის სახელობის ქ. ომსკის სახელმწიფო უნივერსიტეტის საპატიო დოქტორი (რუსეთი, 2018).

წყარო: თბილისის სახელმწიფო უნივერსიტეტი: encyclopedia.tsu.ge

• 2024 - სამტრედიის საპატიო მოქალაქე

• ალგებრის ამოცანათა კრებული (რედაქტორი). - ბათუმი, ბათუმის შოთა რუსთაველის სახელმწ. უნივერსიტეტი, 2020. - 312გვ.. - ISBN: 9789941488283
• ალგებრის კურსი : სახელმძღვანელო (თანაავტორი) // ნაწ. 1. - თბილისი, თბილ. უნ-ტის გამ-ბა, 2009. - 207გვ.. - ISBN: 9789941131486