ნინო ნანიტაშვილი

დაბადების ადგილი: ქ. თბილისი.

1978-1979წწ. სწავლობდა ქ. ლენინგრადის პედიატრიის ინსტიტუტში; დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1984 წელს; ქ. ამსტერდამის ნიდერლანდების ტროპიკული ინსტიტუტის მაგისტრატურა 1999 წელს.

1984-1985წწ. იყო თბილისის სახელმწიფო სამედიცინო ინსტიტუტის ინფექციურ სნეულებათა კათედრის კლინიკური ორდინატორი; 1985-1988წწ. ქ. რუსთავის ბავშვთა პოლიკლინიკის პედიატრი; 1988-1995წწ. ქ. თბილისის ბავშვთა პირველი პოლიკლინიკის ალერგოლოგიული განყოფილების ექიმი-პედიატრი; 1995-1996წწ. საერთაშორისო დანიშნულების სამედიცინო პროგრამა, ქ. თბილისის ჰოლანდიის არასამთავრობო ორგანიზაციის - "ექიმები საზღვრებს გარეშე" - მედმუშაკი; 1998-1999წწ. ქ. თბილისის წითელი ჯვრის საერთაშორისო კომიტეტის მედმუშაკი, რომელმაც აქტიური მონაწილეობა მიიღო პროგრამის კვლევაში - "საქართველოში ტუბერკულოზის გავრცელება"; მსოფლიო ბანკის მხარდაჭერით განხორციელებული პროექტის - "პირველადი სამედიცინო დახმარება" - ეროვნული კონსულტანტი საქართველოში (2000); მან, ასევე განახორციელა აშშ-ის ორგანიზაციების: USAID/SCF-ის მიერ დაფინანსებული გამოკვლევა სახელწოდებით "ჯანდაცვის სფეროს საჭიროებების შეფასება საქართველოს დასავლეთ რეგიონებში" (2000); 2000-2001წწ. გაეროს ბავშვთა დაცვის ფონდის "UNICEF"-ის ქ. თბილისის კავკასიის ბინის ოფისში პროგრამების დაგეგმარების წამყვანი სპეციალისტი; 2001 წელს მან მონაწილეობა მიიღო კონკურსში E. DMUN-ის  S.MUSKIE-ს და აშშ.-ის სახელმწიფო დეპარტამენტის განათლებისა და კულტურის საქმეთა ბიუროს მიერ დაფინანსებულ სადოქტორო პროგრამაში (მის მიერ წარდგენილი საკონკურსო თემა იყო - "საქართველო გარდამავალ პერიოდში: ახალი სტრატეგიული მიდგომები ჯანმრთელობის დაცვის პოლიტიკის განვითარებაში") და გამარჯვების შემდეგ მოღვაწეობდა აშშ-ის პენსილვანიის შტატის ქ. პიცბურგის უნივერსიტეტის დოქტორანტად (2002-2005). ექიმი-პედიატრი, მედიცინის დოქტორი.

სადისერტაციო თემა - "ბავშვთა ანტინატალური რაციონალიზაცია და საქართველოში დედათა ჯანმრთელობის ერთ-ერთი გზა", დაიცვა ქ. ამსტერდამის ნიდერლანდების ტროპიკულ ინსტიტუტში იგლისურ ენაზე.

წყარო: საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.675-678