ტაისა საავა

დაბადების ადგილი: ქ. ნიკოლაევი (უკრაინა).

ესტრადის მსახიობი, მოსკოვისა და სანქტ-პეტერბურგის მიუზიკ-ჰოლების სოლისტი, მხატვრული სტვენის ოსტატი. განსაკუთრებით პოპულარული იყო XX საუკუნის 30-იან წლებში. მისი რეპერტუარი მოიცავდა არა მარტო საესტრადო, არამედ კლასიკურ ნაწარმოებებსაც. მათ შორის, ვარიაციებს ჯ. ვერდის, დონიცეტის, ალიაბიევის და სხვათა შემოქმედებიდან. აღსანიშნავია მის მიერ შესრულებული ი. ბოგოსლოვსკის "ბულბულის ტანგო" (1941). თანამედროვეთა და კრიტიკოსთა შეფასებით მისი ხმა ფარავდა ორნახევარ ოქტავას. ჩაწერილი აქვს რამდენიმე გრამფირფიტა, ასევე გადაღებულია მხატვრულ ფილმებში: "ფრთოსანი მღებავი" (1936), "ბულბული" (1937), "ახალგაზრდობის მიწა" (1941). დრამატურგ გიორგი მდივანის მეუღლე.

წყარო: დიდუბის პანთეონი=Didube pantheon/ბადრი ქუთათელაძე. -თბ., 2025.-გვ.332; კარგ ქართველთა საფლავები: geonecropol.ge