აკაკი არსენაშვილი

დაამთავრა მოსკოვის ხალხთა მეგობრობის უნივერსიტეტის ფიზიკა-მათემატიკის ფაკულტეტი 1972 წელს; თბილისის სახელმწიფო უნივერსიტეტის მექანიკა-მათემატიკის ფაკულტეტი 1975 წელს; პოლონეთის მეცნიერებათა აკადემიის მათემატიკის ინსტიტუტთან არსებული ბანახის საერთაშორისო ცენტრის მსმენელია (1979); თბილისის სახელმწიფო უნივერსიტეტის ბიზნესის ფაკულტეტი საბაჟო და საგადასახადო საქმიანობის ორგანიზებისა და მართვის სპეციალობითით 2001 წელს.

1975-1978წწ. იყო საქართველოს მეცნიერებათა აკადემიის ბუნებისმეტყველების და ტექნიკურ მეცნიერებათა ისტორიის საბჭოს უმცროსი მეცნიერ-თანამშრომელი; საქართველოს მეცნიერებათა აკადემიის მართვის სისტემების ინსტიტუტის ოპტიმალური მართვის განყოფილების უფროსი მეცნიერ-თანამშრომელი; დაიცვა საკანდიდატო დისერტაცია მოსკოვის მ. ლომონოსოვის სახელობის სახელმწიფო უნივერსიტეტში მათემატიკური კიბერნეტიკის სპეციალობით და მიენიჭა ფიზიკა-მათემატიკის მეცნიერებათა კანდიდატის კვალიფიკაცია (1987); იმაღლებდა კვალიფიკაციას სემინარებსა თუ ტრენინგებზე საქართველოსა და საზღვარგარეთ; მუშაობდა სხვადასხვა თანამდებობებზე და პარალელურად აგრძელებდა პედაგოგიურ მოღვაწეობას; 1971-2002წწ. იყო საქართველოს საგადასახადო შემოსავლების სამინისტროს გადამხდელთა რეგისტრაციისა და აღრიცხვის მეთოდების სამმართველოს უფროსი; 2002-2006წწ. თბილისის სახელმწიფო უნივერსიტეტის გამოყენებითი მათემატიკისა და კომპიუტერულ მეცნიერებათა ფაკულტეტის დოცენტი; 2008 წლიდან ეკონომეტრიკის კათედრის ასოცირებული პროფესორი; აქტიურად მონაწილეობს საქართველოსა და საზღვარგარეთის სხვადასხვა სამეცნიერო გრანტებსა და პროგრამებში, თანამშრომლობს უცხოეთის უნივერსიტეტთან: ვარშავის, მოსკოვის მ. ლომონოსოვის სახელობის სახელმწიფო უნივერსიტეტი, ნანტის უნივერსიტეტი და სხვა. გამოაქვეყნა მრავალი ნაშრომი და სტატია.

წყარო: თბილისის სახელმწიფო უნივერსიტეტი: encyclopedia.tsu.ge

• ოპერაციათა კვლევა ეკონომისტებისთვის : წრფივი პროგრამირება : ლექციების კურსი (ავტორი). - თბილისი, მერიდიანი, 2014. - 215გვ.
• ბიოეკონომიკა და სოფლის მეურნეობის მდგრადი განვითარება = Bioeconomy and sustainable development of agriculture : II საერთაშ. სამეცნ.-პარქტ. კონფერენცია : შრომების კრებული (თანაავტორი). - თბილისი, 2013. - 592გვ.