ნინო ვაშაკიძე-ციციშვილი

დაბადების ადგილი: ქ. თბილისი. 

დაამთავრა თბილისის სახელმწიფო უნივერსიტეტის სამკურნალო ფაკულტეტი 1926 წელს.

1926-1928წწ. იყო თბილისის სახელმწიფო უნივერსიტეტთან არსებული მეან-გინეკოლოგიის კლინიკის (ხელმძღვანელი პროფესორი გაბრიელ ღამბარაშვილი) ექიმი-გინეკოლოგი; 1928-1932წწ. დაბა ხარაგაულის რამდენიმე სოფლის ექიმი-გინეკოლოგი; 1933-1982წწ. საქართველოს ჯანმრთელობის დაცვის კომისარიატის ქ. თბილისის მე-4 სამკურნალო სამმართველოს მეანობა-გინეკოლოგიის განყოფილების ექიმი-გინეკოლოგი; პარალელურად მუშაობდა ქ. თბილისის ქალთა კონსულტაციაში; ასევე, ომის პერიოდში კონსულტაციებს უწევდა ქალთა კონტინგენტს; გამოცდილი პრაქტიკოსი ექიმი, უწევდა ასისტენტობას ოპერაციის დროს გამოცდილ ოპერატორ ექიმებს პროფესორებს: აკაკი ბაქრაძეს და სოსო ღოღობერიძეს; ხშირად ქვეყნდებოდა მისი სტატიები მეანობა-გინეკოლოგიის აქტუალურ საკითხებზე ქართულ ჟურნალ-გაზეთებში. დაჯილდოებული იყო ბევრი სიგელითა და მადლობით, ორი მედლით; ცნობილი პედიატრის ირაკლი ციციშვილის დედა. დამსახურებული პენსიონერი (1972), მეან-გინეკოლოგი.

წყარო: საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.777-779

• მედალი "კავკასიის დაცვისთვის"
• სამამულო ომის მედალი
• საქართველოს დამსახურებული ექიმი
• საპატიო ნიშნის ორდენი
• შრომის წითელი დროშის ორდენი