ალბერტ ქართველიშვილი

დაბადების ადგილი: სოფელი ლამისყანა, კასპის რაიონი.

მუშაობდა რკინიგზის შეიარაღებული დაცვის სამსახურში. 1993 წლის 30 ივნისს დაინიშნა მე-8 სპეცდანიშნულების ქვედანაყოფის მეთაურის მოადგილედ. მსახურობდა საქართველოს რკინიგზის შეიარაღებული დაცვის სამსახურში, ჯერ მე-14 მსროლელთა ჯგუფში, შემდეგ მე-17 მსროლელთა ჯგუფის "იოტა" ასმეთაურად. 23-ე მოტომსროლელი ბრიგადის მეთაურის, გენერალ გენო ადამიას დავალებით 1993 წლის 3 ივნისიდან იმყოფებოდა სოხუმჰესის დასაცავად, სადაც ირიცხებოდა რკინიგზის მე-8 სპეცდანიშნულების ქვეგანაყოფში ასმეთაურად. 1993 წლის 6 ივლისს გმირულად დაეცა ბრძოლის ველზე და სხვა დაღუპულ ბიჭებთან ერთად საძმო საფლავში დაკრძალეს. თბილისში, ნაძალადევის რაიონში ერთ-ერთ ქუჩას ეწოდა ალბერტ ქართველიშვილის სახელი. კაპიტანი, საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.417

• ვახტანგ გორგასლის I ხარისხის ორდენი (გარდაცვალების შემდეგ)