ლევან ქართველიშვილი

დაბადების ადგილი: ქ. თბილისი.

1983-1987 წლებში სწავლობდა ქ. თბილისის უ. ჩხეიძის სახელობის საამშენებლო ტექნიკუმის საამშენებლო ფაკულტეტზე.

1987-1989 წლებში მსახურობდა საბჭოთა არმიის რიგებში ყაზახეთის ოლქში, ქალაქ ჯამბულში (სამხედრო წოდება - ზემდეგი). ჯარიდან დაბრუნების შემდეგ თავისი სპეციალობით მუშაობდა სხვადასხვა სამშენებლო ობიექტებზე. 1991 წელს მონაწილეოდა სამაჩაბლოში წარმოებულ შეიარაღებულ კონფლიქტში. აფხაზეთში შეიარაღებული კონფლიქტის დროს, 1993 წლის 23 სექტემბერს ქ. სოხუმთან  დაიკარგა უგზო-უკვლოდ. სავარაუდოდ დაკრძალულია სოფელ მაჭარკის ძმათა სასაფლაოზე. საქართველოს ტერიტორიული მთლიანობისათვის მებრძოლი სამაჩაბლოსა და აფხაზეთის ომში. (ზოგიერთ წყაროში გვარი მოხსენიებულია, როგორც ქართლელიშვილი).

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.419; მემატიანე.ჯი: შექმენი საკუთარი ისტორია: mematiane.ge

• 1994 - ვახტანგ გორგასლის I ხარისხის ორდენი