ლელი ბარამიძე

დაბადების ადგილი: სოფელი ჯუნჯუათი, ლანჩხუთის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1954 წელს.

1955 წლიდან აკაკი შანიძის ინიციატივით იყო ძველი ქართული ენის კათედრის ლაბორანტი; 1957-1961წწ. ამავე კათედრის ასპირანტი, დოცენტი (1978). 1963 წლიდან იყო თბილისის სახელმწიფო უნივერსიტეტის ძველი ქართული ენის კათედრის პედაგოგის ასისტენტი; 1968-1973წწ. ამავე კათედრის უფროსი მასწავლებელი; 1974-2005წწ. დოცენტი; 2006-2009წწ. ამავე კათედრის ასოცირებული პროფესორი; თბილისის სახელმწიფო უნივერსიტეტის ემერიტუს პროფესორი. იკვლევდა ძველი ქართული ენისა და ქართული ენის ისტორიული გრამატიკის საკითხებს; ავტორია არაერთი სამეცნიერო სტატიისა და ოთხი მონოგრაფიის;  წლების განმავლობაში კითხულობდა ძვ. ქართ. ენის კათედრის ყველა ძირითად საგანს: ქართულ პალეოგრაფიას, ძველ ქართულ ენას, ქართული სალიტერატურო ენის ისტორიის სპეცკურსს ძველ ქართულ ზმნაში. ფილოლოგიის მეცნიერებათა კანდიდატი (1966), ფილოლოგიის მეცნიერებათა დოქტორი (2004), თბილისის სახელმწიფო უნივერსიტეტის ემერიტუსი პროფესორი (2009).

 საკანდიდატო დისერტაცია თემა - "ზოგიერთი ტიპის მეშველზმნიან ფორმათა ჩასახვა და განვითარება ქართულში" (ხელმძღვ. აკაკი შანიძე), დაიცვა 1966 წელს; სადოქტორო დისერტაცია თემა - "ზმნის მორფოლოგიურ კატეგორიათა (პირი, რიცხვი, გვარი) ისტორიისათვის ქართულში", დაიცვა 2004 წელს.

წყარო: თბილისის სახელმწიფო უნივერსიტეტი: encyclopedia.tsu.ge

• 2001 - ივანე ჯავახიშვილის სახელობის მედალი

• ზმნის პირისა და რიცხვის გამოხატვის თავისებურებანი ქართულში (ავტორი). - თბილისი, თბილისის უნივერსიტეტის გამომცემლობა, 2013. - 190გვ.. - ISBN: 9789941132834
• ხმოვანმონაცვლე ზმნები ძველ ქართულში (ავტორი). - თბილისი, თბილ. უნ-ტის გამ-ბა, 2012. - 223გვ.. - ISBN: 9789941132445
• ქართული ენის ისტორიული გრამატიკის საკითხები (ავტორი). - თბილისი, თბილ. უნ-ტის გამ-ბა, 2008. - 344გვ.. - ISBN: 9789941130083
• სუბიექტური მესამე პირის ნიშანთა განაწილებისათვის ძველ ქართულში (ავტორი). - თბილისი, თბილისის სახ. უნ-ტის გამ-ბა, 2003. - 54გვ.. - ISBN: 9994020064