მარინა ბეროშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ქიმიის ფაკულტეტი, სპეციალობით მაღალმოლეკულურ ნაერთთა ქიმია, კვალიფიკაცია - ქიმიის მასწავლებელი 1983 წელს; მეორადი ფაკულტეტი სამართალმცოდნეობის სპეციალობით 2003 წელს და ეკონომიკისა და საქმიან ურთიერთობების ფაკულტეტი 1994 წელს.

1983–1984წწ. მუშაობდა თბილისის სახელმწიფო უნივერსიტეტის მაღალმოლეკულურ ნაერთთა ქიმიის კათედრაზე ლაბორანტად; 1984–2001წწ. მეცნიერ თანამშრომლად; 1988–1989წწ. ქიმიის მასწავლებლად; 2005-2012წწ. იყო მეთვალყურედ ეროვნულ გამოცდებზე; 2006-2007წწ. ასოცირებული პროფესორის სტატუსით, ი. ჭავჭავაძის სახელობის საქართველოს ეროვნულ უნივერსიტეტში ხელმძღვანელობდა, ზოგადი და არაორგანული ქიმიის სალექციო კურსს; 2007-2012წწ. იყო ი. ჭავჭავაძის სახელობის თბილისის სახელმწიფო უნივერსიტეტის აკადემიური საბჭოს წევრი; 2001-2012წწ. იყო თბილისის სახელმწიფო უნივერსიტეტის მეტალორგანული ქიმიის ინსტიტუტში უფროსი მეცნიერ-თანამშრომელი; 2012-2020წწ. თბილისის სახელმწიფო უნივერსიტეტის ბიბლიოთეკაში ბიბლიოთეკარი; შემდეგ უფროსი ბიბლიოთეკარი; 2020 წლიდან უფროსი სპეციალისტი; მონაწილეობა აქვს მიღებული 4 საგრანტო პროექტში: ელექტრონული კომუნიკაცია ფეროცენულ ცენტრებს შორის ოქრო-რენიუმის ჰეტერომეტალური კლასტერის ბის (ფეროცენილალკინილ) ნაწარმებში; 2005-2009წწ. არის 30 სამეცნიერო ნაშრომისა და 1 გამოგონების ავტორი. ქიმიის მეცნიერებათა კანდიდატი (2001). თბილისის სახელმწიფო უნივერსიტეტში დაიცვა საკანდიდატო დისერტაცია (2001),  მიანიჭეს დოქტორის აკადემიური ხარისხი (2006). 

წყარო: თბილისის სახელმწიფო უნივერსიტეტი: encyclopedia.tsu.ge