გიორგი დემეტრაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1947 წელს.

1948-1952წწ. თბილისის სახელმწიფო სამედიცინო ინსტიტუტის მორმალური ფიზიოლოგიის კათედრის უფროსი ლაბორანტი; 1952-1961წწ. ქ. თბილისის ექიმთა დახელოვნების სახელმწიფო ინსტიტუტის პათოლოგიური ანატომიისა და პათოლოგიური ფიზიოლოგიის კათედრის ასისტენტი; 1961-1967წწ. ამავე ინსტიტუტის პირველი თერაპიული კათედრის ასისტენტი; 1967-1990წწ. ამავე ინსტიტუტის თერაპიისა და კარდიოლოგიის კათედრის დოცენტი; 1971-1984წწ. პარალელურად იყო ამიერკავკასიის სახელმწიფო უშიშროების კომიტეტის სასაზღვრო ოლქის ჰოსპიტლის კონსულტანტი ექიმი-კარდიოლოგი; 1977-1987წწ. საქართველოს ჯანმრთელობის დაცვის სამინისტროს მეოთხე მთავარი სამმართველოს მე-2 პოლიკლინიკის კონსულტანტი ექიმი-კარდიოლოგი; პედაგოგიურ მოღვაწეობას ეწეოდა და მიჰყავდა პათოფიზიოლოგიის ლექციების კურსი, შემდეგ კი ატარებდა პრაქტიკულ მეცადინეობებს თერაპიის, კლინიკური კარდიოლოგიის, კლინიკური რევმატოლოგიისა და კლინიკური ელექტროკარდიოლოგიის ციკლზე; თავისი 14 მეცნიერული ნაშრომი მიძღვნილი აქვს კარდიოლოგიის საკითხებს. დაჯილდოებული იყო სახელობითი მედლით (1970), მრავალი სიგელითა და მადლობით. ექიმი-თერაპევტი, ექიმი-კარდიოლოგი, მედიცინის მეცნიერებათა კანდიდატი (1956).

წყარო: საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.839-842

• თბილისის სახელმწიფო სამედიცინო ინსტიტუტის თერაპიისა და კარდიოლოგიის კათედრა, სამეცნიერო ნაწილის გამგე კარდიოლოგიის ხაზით
• თბილისის სახელმწიფო სამედიცინო ინსტიტუტის პროფესორთა სამეცნიერო საბჭო, სწავლული მდივანი
• თერაპევტთა და კარდიოლოგთა რესპუბლიკური სამეცნიერო საზოგადოება, წევრი
• კარდიოლოგიაში ექიმთა დიპლომისშემდგომი სწავლების უნიფიცირებული პროგრამების შემდგენ ექსპერტთა კომისია (მოსკოვი), წევრი (1980-)

• 1982 - შრომის ვეტერანის მედალი
• 1972 - მედალი "ჯანმრთელობის დაცვის ფრიადოსანი"
• საქართველოს დამსახურებული ექიმი