გაბრიელ ბოჭორიშვილი (მღვდელი)

გაბრიელ ბოჭორიშვილი XIX ს-ის II ნახევარში რაჭაში, მღვდლის ოჯახში დაიბადა. ქუთაისის სასულიერო სასწავლებლის დამთავრების შემდეგ ასწავლიდა ვლადიკავკაზის სასულიერო სემინარიაში. იქვე აკურთხეს დიაკვნად და მღვდლად. მსახურობდა ვლადიკავკაზის ეპარქიაში, სოფელ ალაგირის ქართულ სამრევლოში. 1919 წელს იძულებული გახდა მრევლთან ერთად საქართველოში დაბრუნებულიყო. მამა გაბრიელმა ლაგოდეხის რაიონში დააარსა სოფელი გიორგეთი, სადაც თავად მსახურობდა. 1922 წლის 10 ოქტომბერს იგი ბაისუბნის წმინდა გიორგის სახელობის ეკლესიაში გადაიყვანეს. ვახტანგ და ქეთევან ბოჭორიშვილების მამა. 

წყარო: XVIII-XX საუკუნეში მოღვაწე სასულიერო პირთა ცხოვრება და მოღვაწეობა / ავტ.: გიორგი მაჩურიშვილი, ლუარსაბ ტოგონიძე.-თბ.,2012.-გვ.173