ვალერიან გოგოლაშვილი

დაბადების ადგილი: სიღნაღის რაიონი, სოფელი ანაგა.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1959 წელს; მოსკოვის საფინანსო–ეკონომიური ინსტიტუტი 1978 წელს.

1960-1990წწ. მუშაობდა გაზეთ "სოფლის ცხოვრების" რედაქციაში; 1978-1990წწ. იყო გაზეთის პ/მგ მდივანი, რედაქტორის მოადგილე, მთავარი რედაქტორი; 1990 წელს საქართელოს შინაგან საქმეთა სამინისტროს საზოგადოებასთან და მასობრივი ინფორმაციის საშუალებებთან ურთიერთობის სამსახურის უფროსი; 1970-1994წწ. ეწეოდა პედაგოგიურ მოღვაწეობას თბილისის სახელმწიფო უნივერსიტეტის ჟურნალისტიკის ფაკულტეტზე; არის ნარკვევების, რამდენიმე წიგნის, "პრესის თეორიისა და პრაქტიკის" სახელმძღვანელოს თანაავტორი; XX საუკუნის 70–80-იან წლებში თავი გამოიჩინა საქართველოს სოფლის მეურნეობის წარმოების, მართვისა და ეკონომიკის პრობლემებისადმი მიძღვნილი სტატიებითა და ნარკვევებით; მისმა ანალიტიკურმა და კრიტიკულმა საგაზეთო პუბლიკაციებმა სათავე დაუდო იმდროინდელ სიახლეს – ჟურნალისტურ გამოძიებას; პოლკოვნიკი (1993).

წყარო: საქართველო: ენციკლოპედია: ტ.2. – თბ., 2012. – გვ.67

• 2000 - ღირსების ორდენი
• 1980 - საქართველოს დამსახურებული ჟურნალისტი
• 1975 - სსრკ ჟურნალისტთა კავშირის პრემია, ნარკვევების ციკლისთვის "ნია გრუზინსკაიას ცხელი ზამთარი"
• საქართველოს ჟურნალისტთა კავშირის პრემია, "ექსტრემალურ სიტუაციებში მამაცობისა და პროფესიონალიზმის გამოჩენისათვის"