ალექსი ჭინჭარაული (პროფესორი)

დაბადების ადგილი: დუშეთის რ-ნი,  სოფ. შატილი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტის კავკასიური ენების განყოფილება 1955 წელს.

1958 წელს დაამთავრა საქართველოს მეცნიერებათა აკადემიის არნოლდ ჩიქობავას სახელობის ენათმეცნიერების ინსტიტუტის ასპირანტურა და მუშაობა დაიწყო ლექსიკოლოგიის განყოფილებაში. მონაწილეობდა "ქართული ენის განმარტებითი ლექსიკონის" და შემდეგ ამ ლექსიკონის ერთტომეულის შედგენის სამუშაოებში. აქვს ენათმეცნიერული შრომები "ვეფხისტყაოსნის" ტექსტისა და ენის, ვაჟა–ფშაველას თხზულებათა ტექსტისა და ენის, ქართული ენის დიალექტებისა და სხვთა შესახებ.

ფილოლოგიის მეცნიერებათა დოქტორი, სადისერტაციო თემა- "მხატვრული ტექსტის ენობრივი ანალიზის საკითხები ("ვეფხისტყაოსნისა" და ვაჟა-ფშაველას თხზულებათა მიხედვით)", დაიცვა 1992 წელს.

• გელათის მეცნიერებათა აკადემია, აკადემიკოსი

• ხევსურული ლექსიკონი = Khevsurian Dictionary (ავტორი). - თბილისი, ქართული ენა, 2005. - 1179გვ.
• ხუმრობაგაშვებით (ავტორი). - თბილისი, საქ. კპ ცკ-ის გამ-ბა, 1986. - 63გვ.
• მთას ვიყავ : ხევსურული სურათები (ავტორი). - თბილისი, საბჭოთა საქართველო, 1980. - 210გვ.
• ვაჟა-ფშაველას თხზულებათა ტექსტის დადგენისათვის (ავტორი). - თბილისი, თსუ–ს გამ–ბა, 1977. - 193გვ.
• ვაჟა–ფშაველას მცირე ლექსიკონი (შემდგენელი). - თბილისი, თსუ–ს გამ–ბა, 1969. - 366გვ.