იგორ ბოგომოლოვი

დაბადების ადგილი: ქ. თბილისი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ფილოლოგიური ფაკულტეტი (რუსული ენისა და ლიტერატურის განყოფილება) 1954 წელს.

1956-1994 წწ. ეწეოდა სამეცნიერო საქმიანობას: 1956-1959 წწ.  საქართველოს მეცნიერებათა აკადემიის შ. რუსთაველის სახელობის ქართული ლიტერატურის ინსტიტუტის ასპირანტი; 1959–1962 წწ. ამავე ინსტიტუტის უმცროსი მეცნიერ თანამშრომელი, 1962-1977 წწ. უფროსი მეცნიერ თანამშრომელი, 1977-1994 წწ. საქართველოს მეცნიერებათა აკადემიის ხალხთა მეგობრობის (ამჟამად პოლიტოლოგიის ინსტიტუტი) ლიტერატურული ურთიერთობის განყოფილების გამგე; 1994-2003 წწ. თსუ-ს რუსული ლიტერატურის ისტორიის კათედრის გამგე. სახელმწიფო საჭოს წევრი (1992); 1992-1995 წწ. საქართველოს პარლამენტის წამყვანი სპეციალისტი; 1995-1999წწ. საქართველოს მე-4 მოწვევის პარლამენტის წევრი, საარჩევნო ბლოკი: საქართველოს მოქალაქეთა კავშირი, საარჩევნო ფორმა: პარტიული სიით, კავკასიის ხალხებთან ურთიერთობის საკოორდინაციო ჯგუფის წევრი. ფილოლოგიურ მეცნიერებათა დოქტორი, პროფესორი. მიღებული აქვს რუსეთის ა. ს. პუშკინის საიუბილეო მედალი და იუნესკოს დიპლომანტის წოდება.

სადისერტაციო თემა – "ქართულ-რუსული ლიტერატურული ურთიერთობის ისტორიიდან (XIX საუკუნის პირველი ნახევარი )", დაიცვა 1969 წელს.

წყარო: საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015/კობა ამირხანაშვილი.- თბ.-2015.-გვ. 96;  წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.62

• საერთაშორისო პუშკინის საზოგადოება (ნიუ-იორკი), საპატიო წევრი (2000-)
• საფრანგეთის ასოციაცია "ლევ ტოლსტოის მეგობრები" (პარიზი), საპატიო წევრი (1999-)
• საქართველოს ლიტერატურათმცოდნეობის აკადემია, ნადვილი წევრი (1995-2003)
• საქართველოს მე-4 მოწვევის პარლამენტი, წევრი (1995-1999)
• საქართველოს მე-4 მოწვევის პარლამენტის განათლების, მეცნიერებისა და კულტურის კომიტეტი, წევრი (1995-1999)
• საქართველოს მე-4 მოწვევის პარლამენტის ფრაქცია "მოქალაქეთა კავშირი", წევრი (1995-1999)
• საქართველოს მწერალთა კავშირი, წევრი (1973-2003)
• საქართველოს რუსული კულტურულ-საგანმანათლებლო საზოგადოება, პრეზიდენტ–კოორდინატორი (1992-2003)
• საქართველოს სახელმწიფო საბჭო, წევრი (1992-)

• 1997 - ღირსების ორდენი
• გიორგი ლეონიძის სახელობის პრემია

• Грузия стала традицией для всей русской поэзии (ავტორი). - Тбилиси, ТГУ, 2002. - 385с.. - ISBN: 99928-957-0-5
• Из далекого прошлого : Сб. науч. работ и статей (ავტორი). - Тбилиси, Офис пресс, 2002. - 131с.
• Очаровательный край (ავტორი). - Тбилиси, Мерани, 1999. - 146с.. - ISBN: 99928-16-29-5
• Из грузинской Пушкинианы (ავტორი). - Тбилиси, Тбил. ун-та, 1999. - 89с.. - ISBN: 99928-31-50-2
• Брат, ты братством силен : Очерки лит. взаимосвязей (ავტორი). - Москва, Сов. писатель, 1985. - 430с.
• Из истории грузино-русских литературных взаимосвязей : Первая половина XIX века (ავტორი). - Тбилиси, Мецниереба, 1967. - 210с.