კანდიდ ჩარკვიანი

დაბადების ადგილი: სოფელი სურმუში, ცაგერის რაიონი.

დაამთავრა თბილისის პოლიტექნიკური ინსტიტუტი; 1955 წელს სკკპ ცკ-თან არსებული უმაღლესი პარტიული სკოლა.

1927 წლიდან იყო გაზ. "კომუნისტის" პარტიული ცხოვრების განყოფილების გამგე, რედაქციის პასუხისმგებელი მდივანი; 1933 წლიდან გაზ. "ახალგაზრდა კომუნისტის" რედაქტორი; 1936-1937წწ. ჟურნალ "პარტიული მშენებლობის" რედაქტორის მოადგილე, საქართველოს კპ ცკ-ის კულტურულ-საგანმანათლებლო მუშაობის განყოფილების გამგე; 1938 წელს საქართველოს ცკ-ის მდივანი; 1938-1952წწ. საქართველოს სსრ კომუნისტური პარტიის ცენტრალური კომიტეტის პირველი მდივანი; 1953 წელს სკკპ ცკ-ის ინსპექტორი; 1953-1956წწ. უზბეკეთის სსრ კვების მრეწველობის სამინისტროს, შემდეგ კი მშენებლობის სამინისტროს სამშენებლო ტრესტის მმართველი; 1962-1963წწ. საქართველოს სსრ მეცნიერებათა აკადემიის ეკონომიკისა და სამართლის ინსტიტუტის განყოფილების გამგე; 1963-1972წწ. საქართველოს სსრ სახ. საგეგმო კომიტეტის სახ. მეურნეობის ეკონომიკისა და დაგეგმვის სამეცნიერო-კვლევითი ინსტიტუტის მძიმე მრეწველობის განყოფილების გამგე, 1972-1981წწ. - დირექტორის მოადგილე, 1981-1988წწ. - დირექტორი. მისი შრომები ეძღვნება საქართველოს სახალხო მეურნეობის განვითარების აქტუალურ პრობლემებს. მიღებული აქვს სახელმწიფო ჯილდოები. საქართველი საბჭოთა პარტიული და სახელმწიფო მოღვაწე. ეკონომიკის მეცნიერებათა დოქტორი (1971).

წყარო: ქართული საბჭოთა ენციკლოპედია: ტ.11.-თბ., 1987.-გვ.84

• საბჭოთა კავშირის კომუნისტური პარტია, წევრი (1930-)

• 1987 - ხალხთა მეგობრობის ორდენი
• 1978 - საქართველოს მეცნიერების დამსახურებული მოღვაწე
• 1975 - საქართველოს სახელმწიფო პრემია
  კოლექტიური მონოგრაფიისათვის - საბჭოთა საქართველოს ეკონომიკა, მიღწევები, პრობლემები, პერსპექტივები
• სამამულო ომის I ხარისხის ორდენი
• ლენინის ორდენი (3 ორდენი)

• სტალინთან ურთიერთობის ეპიზოდები (ავტორი). - თბილისი, არტანუჯი, 2015. - 268გვ.. - ISBN: 978-9941-445-90-3
• განცდილი და ნააზრევი, 1906-1994 : მოგონებები (ავტორი). - თბილისი, მერანი, 2004. - 700გვ.. - ISBN: 99928-0-807-1