The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
ქართველი ავტორები
დასაწყისიკატეგორიები  
ძიება
პიროვნების სახელი:

ეს უნიკალური ცნობარი მოიცავს საქართველოში მოღვაწე და უცხოეთში მცხოვრები ქართველი ავტორების ბიოგრაფიულ მონაცემებს.



გელა გამყრელიძე

გელა გამყრელიძე
დაბადების თარიღი:7 იანვარი, 1951  (63 წლის)
კატეგორია:არქეოლოგი, ისტორიკოსი

ბიოგრაფია

დაბადების ადგილი: ქ. თბილისი.

დაამთავრა ივანე ჯავახიშვილის თბილისის სახელმწიფო უნივერსიტეტის ისტორიის ფაკულტეტი 1973 წელს.

საქართველოს ეროვნული მუზეუმის არქეოლოგიის ცენტრის სამეცნიერო ხელმძღვანელი, მთავარი მეცნიერ-თანამშრომელი; ამავე მუზეუმის არქეოლოგიის საბჭოს თავმჯდომარე. ჟურნალ "იბერია-კოლხეთის" მთავარი რედაქტორი, პროფესორი. 1997-2006წწ. მუშაობდა ანტიკური პერიოდის არქეოლოგიის განყოფილების ხელმძღვანელად. 1969წ-დან მონაწილეობდა ვანის ნაქალაქარის, სოფ. მთისძირის, ფოთის, ბიჭვინთის, ქუთაისის, ვალეს, თეთრიწყაროს  და სხვა არქ. ექსპედიციებში. 1997-2001წწ. აშშ-ს ტექსასის შტატის უნივერსიტეტთან ერთობრივი არქეოლოგიური ექსპედიციის ხელმძღვანელი საქართველოს ზღვისპირეთში. იკვლევს ანტიკური ხანის და ადრეული შუა საუკუნეების საქართველოს ისტორია-არქეოლოგიას. კერძოდ, არქეოლოგიური ძეგლების სტატისტიკურ-ტიპოლოგიურ კლასიფიკაციას; ურთიერთობებს ანტიკურ და ირანულ სამყაროსთან; ძველი საქართველოს ისტორიაზე ბიოგეოგარემოს გავლენას; სამხედრო ისტორიას (შეიარაღებას, ფორტიფიკაციას, სამხედრო-პოლიტიკურ სიტუაციას). გამოქვეყნებული აქვს 98  ნაშრომი, მათ შორის 14 წიგნი. მისი სამეცნიერო ნაშრომები დაბეჭდილია უცხოეთშიც. მისი ნაშრომების ელექტრონული ვერსიები განთავსებულია ინტერნეტში: http://dspace.nplg.gov.ge/bitstream/1234/9572/1/Iberia_Kolxeti_N8.pdf, http://www.nplg.gov.ge/dlibrary/coll/0001/001186/.  

1979 წელს  საკანდიდატო, ხოლო 1993 წელს  ისტორიულ მეცნიერებათა დოქტორის ხარისხი  დაიცვა. თემა  –   "კოლხეთის ისტორია–ტოპოარქეოლოგიის საკითხები (ძვ.წ.V- ახ.წ.V სს.)".

ბიბლიოგრაფია


გააზიარე: