ალექსანდრე მაჰომეტოვი

დაბადების ადგილი: სოფელი კუბაჩი, დაღესტანი.

დაამთავრა საქართველოს კიროვის სახელობის ინდუსტრიული ინსტიტუტი (ამჟამად საქართველოს ტექნიკური უნივერსიტეტი) ლითონთა მექანიკური დამუშავების სპეციალობით 1940 წელს.

1940-1944 წწ. მუშაობდა ვორონეჟისა და მოსკოვის საავაციო ქარხნებში ინჟინერ-კონსტრუქტორის თანამდებობაზე; 1944 წლიდან გადმოყვანილ იქნა თბილისის სახელმწიფო მატერიალური რეზერვის საქართველოს სამმართველოში; როგორც დარგუული ენის (კუბაჩური დიალექტის) მცოდნე, იგი ჩაირიცხა საქართველოს მეცნიერებათა აკადემიის ენის ინსტიტუტის ასპირანტურაში კავკასიური ენების სპეციალობით, რომელიც დაამთავრა 1948 წელს და დაიცვა დისერტაცია; ამავე წლიდან გარდაცვალებამდე იგი წარმატებით და ნაყოფიერად მუშაობდა ენათმეცნიერების (ყოფილი ენის) ინსტიტუტში ჯერ უმცროს, შემდეგ კი უფროს და წამყვან მეცნიერ მუშაკად; ავტორია 150-ზე მეტი ნაშრომისა, მათ შორის ოთხი ფუნდამენტური მონოგრაფიისა, რომლებიც რამდენიმე დაღესტნური ენის სრული აგწერითი ანალიზია მოცემული: "კუბაჩური ენა" (1963), "თაბასარანული ენა" (1965), "აღულური ენა" (1970) და "დარგუული ენის მეჰებური დიალექტი" (1982); სისტემატურად მონაწილეობდა სხვადასხვა სახის კავკასიოლოგიურ შეხვედრებში, სამეცნიერო სესიებსა და კონფერენციებში, სიმპოზიუმებში, რომლებიც ტარდებოდა საქართველოში, ჩრდილო კავკასიაში, რუსეთსა და საზღვარგარეთის სხვა ქვეყნებში; მონაწილე იყო ევროპის კავკასიოლოგთა საზოგადოების მიერ ჩატარებული კოლოკვიუმებისა პარიზში (1988), ლონდონში (1990), მარბურგში (1994). იგი ორგზის იყო მომხსენებელი და თანათავმჯდომარე ბონის უნივერსიტეტის მიერ მოწყობილი კონფერენციებისა - "კავკასიური ენათმეცნიერების პრობლემები" (1988, 1992); მონაწილეობდა აგრეთვე ლუნდის უნივერსიტეტში (შვედეთი) მოწყობილ შეხვედრაში "საქართველოს დღეები" და სხვ. ფილოლოგიურ მეცნიერებათა დოქტორი, პროფესორი. 

საკანდიდატო დისერტაციის თემა – "კუბაჩური ენის თავისებურებანი", დაიცვა 1948 წელს; სადოქტორო დისერტაციის თემა - "თაბასარანული ენა", დაიცვა 1965 წელს.

წყარო: იბერიულ-კავკასიური ენათმეცნიერება XXXVII / თსუ არნოლდ ჩიქობავას სახელობის ენათმეცნიერების ინსტიტუტი.-თბ.,2009.-გვ.325 (ice.ge)

• ივანე ჯავახიშვილის სახელობის მედალი
• დაღესტნის რესპუბლიკის მეცნიერებათა დამსახურებული მოღვაწე
• საქართველოს მეცნიერებათა დამსახურებული მოღვაწე

• Мегебский диалект даргинского языка : Исследование и тексты (ავტორი). - Тбилиси, Мецниереба, 1982. - 231с.
• Агульский язык : Исследование и тексты (ავტორი). - Тбилиси, Мецниереба, 1970. - 242с.
• Табасаранский язык (ავტორი). - Тбилиси, Мецниереба, 1965. - 398с.
• Кубачинский язык (ავტორი). - Тбилиси, Мецниереба, 1963. - 357с.