შუქია აფრიდონიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1963 წელს.

1965-1969წწ. - საქართველოს მეცნიერებათა აკადემიის კიბერნეტიკის ინსტიტუტი, ტექნიკოსი; 1969-1976წწ. - თბილისის სახელმწიფო უნივერსიტეტი, ახალი ქართული ენის კათედრა და მასთან არსებული ტოპონიმიკის ლაბორატორია; 1982-2006წწ. - საქართველოს მეცნიერებათა აკადემიის არნ. ჩიქობავას სახელობის ენათმეცნიერების ინსტიტუტი, მეცნიერ-თანამშრომელი (ენათმეცნიერი), განყოფილების გამგე; 1978-1982წწ. - ამავე  ინსტიტუტის უფროსი მეცნიერ-თანამშრომელი; 1976-2006წწ. - თბილისის სახელმწიფო უნივერსიტეტი, დოცენტი; 2004 წლიდან - პროფესორი; 2006 წლიდან - ილია ჭავჭავაძის სახელმწიფო უნივერსიტეტი, სრული პროფესორი. წლების მანძილზე ეწევა სამეცნიერო მუშაობას. ფილოლოგიის მეცნიერებათა დოქტორი (2003), პროფესორი (2004). ცნობილი ქართველი ეთნოგრაფის, ლექსიკოლოგისა და ფოლკლორისტის თედო სახოკიას შვილიშვილი.

საკანდიდატო დისერტაციის თემა - "სიტყვათგანლაგება ახალ ქართულში" (X1X-XXსს-ის პროზაული მასალის მიხედვით)", დაიცვა 1972 წელს; სადოქტორო დისერტაციის თემა - "მიმართვის ფორმათა სტრუქტურა და ფუნქციონირება ახალ ქართულში", დაიცვა 2003 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.450; არნ. ჩიქობავას სახელობის ენათმეცნიერების ინსტიტუტი: ice.ge

• 2018 - ღირსების ორდენი

• საქართველოს ტოპონიმია, ქვემო იმერეთი : ლექსიკონი ინვერსიული ლექსიკონითა და რუკებით (შემდგენელი). - თბილისი, თსუ, 2003. - 678გვ.
• ჟურნალისტის სტილისტიკური ცნობარი (თანარედაქტორი). - თბილისი, ჟურნალისტთა საერთ.ცენტრი, 2002. - 270გვ.
• ჩვენი ენა ქართული (ავტორი). - თბილისი, არჩილ სულაკაურის გამომცემლობა, 2002. - 168გვ.. - ISBN: 99928-52-78-X
• ტესტები ქართულ ენაში (მასწავლებელთა ატესტაციისათვის) (შემდგენელი). - თბილისი, 1997. - 39გვ.
• საბჭოთა კავშირის გეოგრაფიული სახელების ორთოგრაფიული ლექსიკონი (რედაქტორი). - თბილისი, ქართული საბჭ.ენციკლოპ.მთ.სამეცნ რედაქცია, 1987. - 250გვ.
• სიტყვათგანლაგება ახალ ქართულში : ენათმეცნიერება (ავტორი). - თბილისი, მეცნიერება, 1986. - 150გვ.