მარიამ თაბორიძე

დაბადების ადგილი: ქ. დუშეთი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი ქართული ენისა და ლიტერატურის სპეციალობით (1945) და შოთა რუსთაველის სახელობის თეატრალური ინსტიტუტის სამსახიობო ფაკულტეტი (1944).

1961–1975 წლებში მუშაობდა იაკობ გოგებაშვილის სახელობის პედაგოგიკის მეცნიერებათა სამეცნიერო-კვლევით ინსტიტუტში უფროს-მეცნიერ თანამშრომლად. 1975 წლიდან იყო სულხან-საბა ორბელიანის სახელობის პედაგოგიურ ინსტიტუტში ქართული ენისა და ლიტერატურის სწავლების მეთოდიკათა კათედრის პროფესორი. მარიამ თაბორიძე იკვლევდა ლიტერატურული სწავლების პრობლემებს, წერითი და ზეპირი მეტყველების განვითარების საკითხებს. დაამუშავა ესთეტიკური აღზრდის მეთოდური სისტემა. არის 111 შრომის, მეთოდური მითითებების, სტატიების ავტორი ლიტერატურის სწავლებისა და ესთეტიკური აღზრდის პრობლემებზე. პედაგოგიურ მეცნიერებათა დოქტორი, პროფესორი.

სადისერტაციო თემა– "მოსწავლეთა ესთეტიკური აღზრდა ლიტერატურის სწავლებისას", დაიცვა 1975 წელს.

წყარო: საქართველო: ენციკლოპედია: ტ.III.–თბ., 2014. გვ.416; წიგნი ღირსებისა: ტ. 5 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.36

• პედაგოგიური განათლების აკადემია, წევრი

• 2000 - ღირსების ორდენი
• 1990 - საქართველოს მეცნიერებათა დამსახურებული მოღვაწე
• 1983 - იაკობ გოგებაშვილის სახელობის პრემია
• საქართველოს დამსახურებული მასწავლებელი

• ვეფხისტყაოსნის ლიტერატურულ - ესთეტიკური ანალიზი სკოლაში (ავტორი). - თბილისი, მეცნიერება, 2000. - 368გვ.. - ISBN: 99928-35-01-X
• ქართული ლიტერატურის პროგრამა : ზოგადსაგანმანათლებლო სკოლის მე-9-11 კლასებისათვის (ავტორი). - თბილისი, განათლება, 1989. - 40გვ.
• ესთეტიკური აღზრდის პრობლემები ლიტერატურის სწავლებისას : VII-X კლასებში (ავტორი). - თბილისი, განათლება, 1985. - 196გვ.
• ქართული ლიტერატურა : საღამოს (ცვლის) და დაუსწრებელი სკოლის მე-9 კლასის სახელმძღვანელო (თანაავტორი). - თბილისი, განათლება, 1984. - 139გვ.
• საუბარი ხელოვნებაზე (ავტორი). - თბილისი, ხელოვნება, 1977. - 33გვ.
• ქართული ლიტერატურა : ფაკულტატიური კურსის სახელმძღვანელო VIII კლ-თვის (ავტორი). - თბილისი, განათლება, 1975. - 344გვ.
• მოსწავლეთა ესთეტიკური აღზრდა ლიტერატურის სწავლებისას : VIII-X კლასები (ავტორი). - თბილისი, განათლება, 1972. - 279გვ.
• სასკოლო წერითი თხზულება და მისი სწავლების საკითხები უფროს კლასებში : ქართული ენისა და ლიტერატურის მაგალითზე (ავტორი). - თბილისი, განათლება, 1967. - 126გვ.