ელვერ კუპატაძე

დაბადების ადგილი: სოფელი ქვედა საზანო, ზესტაფონის რაიონი.

დაამთავრა თბილისის სახელმწიფო უნივერსიტეტი 1972 წელს.

1972-1974წწ. იყო გერმანიის დემოკრატიულ რესპუბლიკაში საბჭოთა შეიარაღებული ძალების ოფიცერი; 1974-2006წწ. მუშაობდა საქართველოს მეცნიერებათა აკადემიის ივ. ჯავახიშვილის სახელობის ისტორიის, არქეოლოგიისა და ეთნოგრაფიის ინსტიტუტში, ლაბორანტის, უფროსი ლაბორანტის, უმცროსი და უფროსი მეცნიერ-თანამშრომლისა და წამყვანი მეცნიერ-თანამშრომლის თანამდებობებზე; 1977 წლიდან ეწეოდა პედაგოგიურ მოღვაწეობას თბილისის სხვადასხვა უმაღლეს სასწავლებლებში; 1993-1996წწ. მუშაობდა თავდაცვის სამინისტროში; 2000-2002წწ. იყო თავდაცვის ეროვნული აკადემიის ისტორიის კათედრის გამგე; საზოგადოებრივ-ჰუმანიტარული კათედრის გამგის მოადგილე (2002-2005), გენერალური შტაბის სამხედრო-საინჟინრო აკადემიის პროფესორი (2004-2005), თავდაცვის ეროვნული აკადემიის პროფესორი (2008-2012); მონაწილეობდა აფხაზეთის ომში; 2005-2012წწ. საქართველოს ომის შრომისა და სამხედრო ძალების ვეტერანთა საერთაშორისო ცენტრალური კავშირის გამგეობის თავმჯდომარე; 2006-2009წწ. დსთ-ის ქვეყნების ვეტერანთა საკორდინაციო საბჭოს პრეზიდიუმის წევრი; 70-მდე სამეცნიერო ნაშრომის, მათ შორის 15 მონოგრაფიის, 2 სახელმძღვანელოს, 2 ბროშურის ავტორი. მისი ხელმძღვანელობით დაცულ იქნა შვიდი საკანდიდატო დისერტაცია. 1983 წელს დაიცვა საკანდიდატო. ისტორიის მეცნიერებათა დოქტორი, პროფესორი (1997).

საკანდიდატო დისერტაციის თემა - "ევაკუირებული სამრეწველო საწარმოების, დაწესებულებებისა და მოსახლეობის მიღება და განლაგება საქართველოში საბჭოთა კავშირის დიდი სამამულო ომის პერიოდში (1941-1945 წწ.)"; სადოქტორო დისერტაციის თემა - "ქართული ეროვნული საჯარისო შენაერთების ისტორია 1921-1956 წლებში", დაიცვა 1993 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.419;  საქართველო: ენციკლოპედია: ტ.5. -თბ.,2023. -გვ.234

• ფაზისის მეცნიერებათა აკადემია, ნამდვილი წევრი

• 2003 - ღირსების ორდენი

• ქართული ეროვნული საჯარისო შენაერთების ისტორია 1921-1956 წლებში (ავტორი). - თბილისი, თავდაცვის ეროვნული ალადემია, 2011. - 428გვ.. - ISBN: 978-9941-0-1911-1
• ქართული დივიზიების მონაწილეობა კავკასიისათვის ბრძოლაში (ავტორი). - თბილისი, მემატიანე, 2003. - 136გვ.
• სამხედრო სწავლება (თანაავტორი). - თბილისი, განათლება, 2000. - 141გვ.
• ვლადიმერ ნანეიშვილი (ავტორი). - თბილისი, განათლება, 1999
• 242-ე სამთო მსროლელი დივიზიის საბრძოლო გზა დიდ სამამულო ომში (ავტორი). - თბილისი, მეცნიერება, 1990. - 206გვ.
• გმირული მიწისქვეშა გარნიზონი (თანაავტორი). - თბილისი, საბჭოთა საქართველო, 1985. - 221 გვ.
• გენერალი ჩანჩიბაძე (ავტორი). - თბილისი, მეცნიერება, 1984. - 224გვ.
• საბჭოთა კავშირის ხალხთა საბრძოლო თანამეგობრობის ისტორიიდან (ავტორი). - თბილისი, მეცნიერება, 1982. - 70გვ.
• ევაკუირებული სამრეწველო საწარმოებისა და მოსახლეობის მიღება და განლაგება საქართველოში 1941-1945 წლებში (ავტორი). - თბილისი, მეცნიერება, 1978. - 117გვ.