მანანა სანაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის აღმოსავლეთმცოდნეობის ფაკულტეტი თურქეთის ისტორიის სპეციალობით 1975 წელს.

1979-2004წწ. - თბილისის სახელმწიფო უნივერსიტეტის საქართველოს ისტორიის კათედრაზე მუშაობდა ჯერ ასისტენტად, შემდგომ კი - უმცროს, უფროს და წამყვან მეცნიერ თანამშრომლად; 2002-2004წწ. - ტექნიკური უნივერსიტეტის ჰუმანიტარული ფაკულტეტის საქართველოს ისტორიის კათედრის პროფესორი; 1999-2008წწ. - შავი ზღვის საერთაშორისო უნივერსიტეტის სამეურვეო საბჭოს წევრი; 2009 წლიდან - სკრენტონის უნივერსიტეტის (აშშ) აფილირებული პროფესორი; 2002-2004წწ. - გ. ალასანიასთან ერთად დააფუძნა საქართველოს უნივერსიტეტი, 2014მის შემდეგ 2014 წლის ივნისამდე იყო ამ უნივერსიტეტის რექტორი. 2015 წლიდან საქართველოს უნივერსიტეტის პრეზიდენტი. სპორტის ოსტატი ჭადრაკში, თბილისის ქალთა ჩემპიონატის ოქროს და საქართველოს ქალთა ჩემპიონატის ვერცხლის პრიზიორი, ქალთა საკავშირო ჩემპიონატის ორგზის მონაწილე (1968, 1970წწ.). მისი სამეცნიერო მუშაობის სფეროა: საქართველოს, კავკასიისა და მახლობელი არმოსავლეთის ანტიკური ხანისა და შუა საუკუნეების ისტორია; არის მრავალი საერთაშორისო კონფერენციის მონაწილე; გამოქვეყნებული აქვს 70-ზე მეტი ნაშრომი, მათ შორის მონოგრაფიები, სახელმძღვანელოები, ატლასები. ავტორია საბავშვო მოთხრობების, რომლებიც ორ წიგნად გამოიცა სათაურით: "ბებოს ზღაპრები". მონოგრაფიისათვის - "გლეხობა დასავლეთ საქართველოში XV-XVIII სს.", მიღებული აქვს თბილისის სახელმწიფო უნივერსიტეტის ახალგაზრდა მეცნიერთათვის განკუთვნილი პრემია (1982). საქართველოს უნივერსიტეტის ხელოვნებისა და ჰუმანიტარულ მეცნიერებათა სკოლის პროფესორი, ისტორიის მეცნიერებათა დოქტორი (2002), პროფესორი.

საკანდიდატო დისერტაციის თემა - "გლეხობა დასავლეთ საქართველოში XV-XVIII საუკუნეებში", დაიცვა 1979 წელს; სადოქტორო დისერტაციის თემა - "ქართლის ცხოვრება" და საქართველოს ისტორიის უძველესი პერიოდი(ქართლოსიდან მირიანამდე)", დაიცვა 2002 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.431; საქართველოს უნივერსიტეტი: ug.edu.ge

• 2013 - ბრწყინვალების საპრეზიდენტო ორდენი
  საქართელოს საგანამანათლებლო სისტემის განვითარებასა და ისტორიის კვლევაში შეტანილი წვლილისთვის

• საქართველოს ისტორიული ატლასი (თანაავტორი). - თბილისი, საქართველოს მაცნე, 2003. - 48გვ.
• საქართველოს ისტორია წ.I (ანტიკური ხანა, შუა საუკუნეები), (თანაავტორი). - თბილისი, საქართველოს მაცნე, 2003. - 236გვ.. - ISBN: 99928-28-76-5
• "ქართლის ცხოვრება" და საქართველოს ისტორიის უძველესი პერიოდი (ქართლოსიდან მირიანამდე) : მონოგრაფია (ავტორი). - თბილისი, საქართველოს მაცნე, 2001. - 206გვ.. - ISBN: 99928-28-33-1
• ქართლის ცხოვრება (შემდგენელი). - თბილისი, ზვარი, 1992. - 112გვ.
• გლეხობა დასავლეთ საქართველოში XV - XVIII საუკუნეებში : მონოგრაფია (ავტორი). - თბილისი, მეცნიერება, 1979. - 184გვ.