ნათელა ვაჩნაძე

დაბადების ადგილი: ქ. თბილისი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ისტორიის ფაკულტეტი 1962 წელს.

1963-2006 წლებში პედაგოგიურ და სამეცნიერო მუშაობას ეწეოდა თბილისის სახელმწიფო უნივერსიტეტის შუა საუკუნეებისა და საქართველოს ისტორიის კათედრებზე; წმ. ანდრია პირველწოდებულის სახელობის ქართული უნივერსიტეტის მოწვეული პროფესორი; მისი კვლევის საგანია შუა საუკუნეების ქართული საზოგადოების მენტალიტეტი, ქართული და ბერძნული ჰაგიოგრაფიული თხზულებები, ქრისტიანული სიმბოლიკა, ქართულ-ბიზანტიური ურთიერთობები, წარმართული სააზროვნო სისტემის რელიქტები, საქართველოსა და რუსეთის მუზეუმებისა და წიგნსაცავების ისტორია (XX ს. II ნახ.), ძველი ქართული ჰაგიოგრაფიული თხზულებების რუსულ ენაზე თარგმნა და კომენტარები, "ქართლის ცხოვრების" სახისმეტყველება, ბერძნული ეპისტოლოგრაფია. არის მრავალი სამეცნიერო ნაშრომის, მათ შორის 5 მონოგრაფიის ავტორი, თბილისის სახელმწიფო უნივერსიტეტის ისტორიის ფაკულტეტის "შრომების" შემდგენელი, საქართველოს ისტორიის პირველი საუნივერსიტეტო სახელმძღვანელოს (ტომი I) თანაავტორი. მისი სამეცნიერო ნაშრომები გამოქვეყნებულია ქართულ, გერმანულ, ინგლისურ და ფრანგულ ენებზე. ისტორიის მეცნიერებათა დოქტორი (1993), პროფესორი (1993). 

სადისერტაციო თემა - "სააზროვნო სისტემა და ქართული საზოგადოების ზნეობრივი იდეალი", დაიცვა 1992 წელს.

წყარო: საქართველო: ენციკლოპედია: ტ.III.–თბ., 2014.-გვ.209; საქართველოს რესპუბლიკა N56 (9588), 19 მაისი 2023 წელი, გვ.11: nplg.gov.ge

• საქართველოს ბიზანტიოლოგთა ეროვნული კომიტეტი , დამფუძნებელი, უცვლელი ვიცე-პრეზიდენტი (1996-)
• საქართველოს ისტორიკოსთა ეროვნული კომიტეტი , წევრი (1997-)
• საქართველოს მეცნიერებათა ეროვნული აკადემიის საქართველოს ისტორიის წყაროების კომისია, წევრი

• 2023 - დავით არსენიშვილის სახელობის პრემია
  დავით არსენიშვილის ღვაწლის სათანადოთ წარმოჩენისათვის

• ანამკი (ისტორიულ - ფილოლოგიური ძიებანი). - ქ. თბილისი, უნივერსიტეტი, 2002. - 342გვ.. - ISBN: 99928-932-0-6
• Dedicatio: ისტორიულ - ფილოლოგიური ძიებანი. - ქ. თბილისი, 2001
• სააზროვნო სისტემა და ქართული საზოგადოების ზნეობრივი იდეალი (V - X საუკუნეები). - ქ. თბილისი, თსუ, 1998. - 364გვ.
• Д.И. Арсенишвили : Выдаюшийся общ. деятель. Эскизы к творч. портрету. (ავტორი). - Тб., Изд-во Тбил. ун-та, 1990. - 331с.
• Житие и мученичество святого мученика Константи грузина, который был замучен царем ваваилонян Джафаром (მთარგმნელი). - თბილისი, ხელოვნება, 1978. - 134с
• ცხოვრებაი და წამებაი წმინდისა მოწამისა კონსტანტინესი ქართველისაი რომელ იწამა ბაბილონელთა მეფისა ჯაფარის მიერ. - ქ. თბილისი, 1978
• სერაპიონ ზარზმელის ცხოვრება, როგორც საისტორიო წყარო. - ქ. თბილისი, უნივერსიტეტი, 1975