ომარ გვეტაძე

დაბადების ადგილი: ქ. ქუთაისი.

დაამთავრა თბილისის ივანე ჯავახიშვილის სახელობის სახელმწიფო უნივერსიტეტის ფილოლოგიის ფაკულტეტი 1976 წელს.

არის ქუთაისის აკაკი წერეთლის სახელმწიფო უნივერსიტეტის პროფესორი. მისი საკვლევი თემებია: ძველი ქართული მწერლობა, ქართული ლიტერატურის საკითხები; მისი ლექსები და პუბლიცისტური წერილები მოსწავლეობის პერიოდიდან იბეჭდება პრესაში; პირველი ლექსი 1971 წელს გამოქვეყნდა საქალაქო გაზეთ "ქუთაისში", ლექსების პირველი წიგნი "სიყვარულის სამრეკლო" – 1991 წელს; სხვადასხვა დროს გამოიცა მისი პოეტური კრებულები: "ჟამი ფერისცვალებისა“ (1995), "უცხო სტუმარი" (2004), "ვარდები ზამთარში" (2006), "იისფერი მაგნოლია" (2017), ლიტერატურული ნარკვევები (2010); ქართული ენისა და ლიტერატურის მასწავლებელი, ქუთაისის აკაკი წერეთლის სახელობის სახელმწიფო უნივერსიტეტის ფილოლოგიის ფაკულტეტის დეკანი, დოცენტი; ქუთაისის პედაგოგიური ინსტიტუტის მოსამზადებელი განყოფილების გამგე, ქუთაისის სახელმწიფო პედაგოგიური ინსტიტუტის პრორექტორი.

ფილოლოგიის მეცნიერებათა კანდიდატი, სადისერტაციო თემა–"ქართული ჰაგიოგრაფიული სიუჟეტისა და კომპოზიციის საკითხები V–XI სს.", დაიცვა 1984 წელს.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.87-88

• ლადო ასათიანის სახელობის პრემია
• საქართველოს მწერალთა კავშირის პრემია

• ჟამი ფერიცვალებისა (ავტორი). - ქუთაისი, აშრიალი, 1998. - 77გვ.
• ლიტერატურული წერილები (ავტორი). - ქუთაისი, სარანგი, 1993. - 105გვ.
• სიყვარულის სამრეკლო (ავტორი). - ქუთაისი, საკურთო, 1992. - 62გვ.