The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
ქართველი ავტორები
დასაწყისიკატეგორიები  
ძიება
პიროვნების სახელი:

ეს უნიკალური ცნობარი მოიცავს საქართველოში მოღვაწე და უცხოეთში მცხოვრები ქართველი ავტორების ბიოგრაფიულ მონაცემებს.



ჭაბუა ამირეჯიბი (ბერი)

ჭაბუა ამირეჯიბი
ოფიციალური სახელი:მზეჭაბუკ ამირეჯიბი
სხვა სახელი:დავითი  (სასულიერო სახელი)
დაბადების თარიღი:18 ნოემბერი, 1921
გარდაცვ. თარიღი:12 დეკემბერი, 2013  (92 წლის ასაკში)
კატეგორია:მწერალი

ბიოგრაფია

დაიბადების ადგილი: ქ. თბილისი.

დაამთავრა თბილისის სახელმწიფო პედაგოგიური ინსტიტუტის სამი კურსი.

პატიმრობის 16 წლის მანძილზე იყო ტყის მჭრელი, ჩრდილოეთ ოსეთის სატყეო კომბინატის დამაარსებელი და დირექტორი 1945-47წწ., ბელორუსიის სატყეო მრეწველობის სამინისტროს ტყის გადამამუშავებელი კომბინატის დამაარსებელი და დირექტორი 1947-50წწ.. განთავისუფლების შემდეგ საქართველო - აშშ ერთობლივი საწარმოს "ამსაქფილმის" დამაარსებელი და დირექტორი, ალმანახ "კინო"-ს დამაარსებელი და დირექტორი, საქართველოს სახკინოს სარეკლამო-საინფორმაციო ბიუროს დამაარსებელი და დირექტორი 1969-72წწ., კინოსტუდია "ქართული ფილმი"-ს მეორე გაერთიანების დირექტორი 1972-76წწ., კინოსტუდია "მემატიანეს" დირექტორი 1983-89წწ., საქართველოს თავდაცვის ფონდის თავჯდომარე 1992 -95წწ., ქართულ სულიერ ფასეულობათა დაცვის ასოციაცია "ივერია"-ს და გაზეთ "ახალი ივერია"-ს ერთ-ერთი დამფუძნებელი და გამგეობის თავჯდომარე 1999წელს. გამოქვეყნებული აქვს მრავალი პუბლიცისტური სტატია 1976 -98წწ., მოთხრობების სამი კრებული 1965-68წწ., საბავშვო იგავ-არაკების კრებული 1967წ., რომანები. არის ხელოვნების დამსახურებული მოღვაწე და დაჯილდოვებულია უცხოური, რუსული, ქართული პრემიებითა და პრიზებით. თავისი ნაწარმოებები დაბეჭდილი აქვს მსოფლიოს ხალხთა ოცდაათ ენაზე. 2010 წლის 15 ოქტომბერს ჭაბუა ამირეჯიბი ბერად აღიკვეცა და სახელად დავითი ეწოდა.

ორგანიზაციის, ასოციაციის ან ჯგუფის წევრი

  • ინტელელექტუალთა საზოგადოება, დამფუძნებელი (1998-)
  • კინემატოგრაფისტთა კავშირი, წევრი (1965-)
  • საქართველოს თავდაცვის ფონდი, თავმჯდომარე (1992-1995)
  • საქართველოს მწერალთა კავშირი, წევრი (1965-)
  • საქართველოს პარლამენტი, წევრი (1991-1995)
  • საქართველოს სახელმწიფო საბჭო, წევრი (1991-1995)

ჯილდოები, პრემიები და პრიზები

  • 2009 - ლიტერატურული პრემია "საბა"
    ქართული ლიტერატურის განვითარებაში შეტანილი განსაკუთრებული წვლილისათვის
  • 1998 - საქართველოს სახელმწიფო პრემია
  • 1995 - ღირსების ორდენი
  • 1994 - შოთა რუსთაველის სახელობის სახელმწიფო პრემია
  • 1979 - სსრკ სახელმწიფო პრემია

ბიბლიოგრაფია


გააზიარე: